MEWLÛDA SÎYER

Article

 

Resûlûllah eshabê xwe kir bira
Yek ji Ensar yek jî ji Muhacira

Ensar her tişt bi wan ra parve kirin
Tiştê ji wan dihat texsîr nekirin

Li limêjê eshab diman pir dereng
Wek naqosê xwestin tiştekî bi deng

‘Ebdullahê lawê Zeydê Ensarî
Xewna xwe de l-azanê bû guhdarî

Xewna xwe l-cem Resûlûllah kir beyan
Jê re gotî ev xewn heqe bê guman

Her azanê bide zanîn bi Bîlal
Lewra dengê wî xweştir û pir zelal

Bi dengê xwey şêrîn Bîlal xwend azan
‘Umer Farûq ji mal dihat bi bazdan

Ya Mûhemmed sond dixum min jî ev dî
Bûye fermî azana Mûhemmedî

Banga heqq e ev azana Rebbanî
Bibe seda hem ji jêr û hem banî

Ya Rebbena xwesteka me her ev e
Dengê azan her hebe roj û şeve

Ger dixwazin hûn ji agir bin berat
Ji can û dil hûn bibêjin esselat

 

Di debarê nivîskar de

Têhev

11

Gotar

Ê Berê SALVEGERA HÎCRETÊ
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.