MEWLÛDA HERÎ EVÎN

Article

 

Di piştî hemdê Xweda, ser rûpela ewilî
Pir selatan ebeda, selam nexşa vî dilî 
Dibîr anî me her car, qedrê Seyyîdê âlem
Her fesla nûbiharê evîna me kemilî

Xemla evîndarîyê, Mewlûda Xeyr'ul beşer
Ger çi mizgîna azad, ev heqîqet, ev xeber, 
Zulmeta dewrê pêça, şikand xêza batilî
Afaq ğubare çima, însan maye bê mefer

Yek qebde nûra Xweda, Mewlûda Xeyr'ul Wera
Didit dîtin her çiqas, bi teqdîrê, mawera
Pût û senem ketne erd, qesra kîsra serteser
Çima îro hê dixwin, em ji agir kedera

Mewlûda Mûhemmedî remz û nîşana necat
Agahî ye ger çêbûn, fecra sadiq boy felat
Berq da li şerq û ğerbê, ‘eksa wê ‘esrû dehra 
Her serencamek ji wê, boy ademî bû xelat

Mizgîna xêr û felat, Mewlûda Nebyê Muxtar
Ger çi li herdû ciha, boy xelasî karûbar
Ser peyamê di pey re, me nekir sebr û sebat
Em dil bi êşin lewra, li rûzemîn ahûzar

Çûn bi sed sala zeman ey mu'minê bîrbirî
Qebûl dîbînit feqet, bi mehwayek Sîbirî
Le'în û antaxê wî loma civirîn her car
Bo yetama dojeh e, dunya li wan zîfirî

Jî beşera ademî tavehîv qurmiçandî
Zivistan û şevreşê li nîv gulşen çikandî
Tim nedamet bi xwendin li vî dilê kesirî
Ji qîmet bihayê me timî payîz weşandî

İqlîmê nûr veşirîn lew biser ketin meşreb
Li pîyê me herbilîn sînor û 'irq û mezheb
Hucûmê kulavsorî bêmefer hê dibarin
Ne 'ilim peyda dibe ne medrese'w ne mekteb

Nijdevanîya ğerbî zorzaneya dest xencer
Ğerq kir hikmeta şerqî fisq û fucûra xeyber
Vegerîn qernê axir, dibarî qehr û xezeb
Qebrîstanên bê kêlik diherikin bal mehşer

Bi rastî naêt xwendin mewlûda Şahê ‘ecem
Li ser lewhê nivîsî ew hal bi şadî qelem
Qîmeta Wî bizanin, emrê Xwdayê Ekber
Bextîyarê du cîhan, hingê nabînin elem

Tenahparêzin dîsa me çav li rê bi tesbit
Dagere bi hîcretê avake qismê mescîd
Me hêvîyek şefa'et, li me Seyyîdê 'alem
Ji çarda tavehîva nixamtîyê bi xurşîd


________________________________________


Mawera        (Bu alemden öte)
Serteser:       Ser û bin
Agahî:            Bixeber    
Berq:              Birûsk
Serencam:    Aqîbet, netîce
Mehwa.         (Atmosfer)
Sîbirî              (Sibiryalı) 
Antax:            Awane (Yardakçı)
Civirîn:           (Gelişmiş)
Dojeh:           Cehennem
Kulavsorî      ( Moğol)
Nijdevanî:     (Haydut)
Zorzane:       (Bilgi, bilgiç)
Tenahparêz:(Yalnızcı, yalnızca)
Xurşîd:           Roj, raj

Di debarê nivîskar de

Têhev

21

Gotar

Ê Berê Şareza û Rûmet Peyvên Me Ne
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.