BijarteJi Qur’ana Mecîd Çend Pend û Şîret

(GELİ BAWERMENDAN 5)

Gelî bawermnedan! Wan tiştên ku dema ji we re bên beyankirin wê we mehzûn bikin (ji pêğemberê xwe) nepirsin. Eger hûn di hengama nuzûla Qur’anê de bipirsin dê (ew tişt) ji we re bên beyankirin. Xwedê Te‘ala (di vî warî de barê we sivik kir,  mesûliyeta wan tişta ji ser we rakir, li we borî û) we ‘efû kir. (İdî hûn jî barê xwe giran nekin û dev ji pirskirina wan tiştan berdin.) Xwedê Te‘ala pir ‘Xefûr û ‘Helîm e.[1] (Maîde: 101)

Gelî bawermendan! Hûn li (îsla‘ha) nefsa xwe mêze kin. Eger hûn li ser hîdayetê bin ehlê delaletê nikarin zirarê bidin we. Vegera we hemîya her bi bal Ellah Te‘ala ve ye. İdî ew jî dê we ji ‘emelê we (yê ku we di ‘heyata xwe de dikir) hayîdar bike. (Maîde: 105)

Gelî bawermendan! Eger mirina yekî ji we nêz bû (û ‘elametê mirinê lê peyda bûn) bila di hengama wesîyetê de ji nav we du şahidên ‘adil şahidiyê bikin. Na eger di hengâma seferê de musîbeta mirinê bi serê we de hat (û îmkana peydakirina şahidên ji we çê nebû)  bila du kesên ku ne ji we ne şahidiyê bikin. Eger ku hûn ji (şahidiya) wan ketin şubhê wan herdû şahidan piştî nimêjê bigrin û li ser navê Xwedê Te‘ala wihareng bidin sondê “Welew eqrebayên me bin jî em şahidîya xwe bi tu buhayî naguherînin û em şahidiya Xwedê Te‘ala ketim nakin. Naxwe (eger em vê bikin) emê bibin ji gunehkaran.” Lê (eger paşê) bê fêmkirin ku ew herdû (şahid) musteheqqê gunehekî[2] ne wê demê (ji wêrisan) du kesên meğdûr(ê nêzmerivê kesê mirî) dê biçin meqamê wan û bi navê Xwedê Te‘ala wihareng sond bixwin: “Bîllahî şahidiya me ji şahidiya wan rasttir e. (Lewra) em ji hed derneketine. Naxwe (eger em ji hed derkevin înca)  bêgûman emê bibin ji zaliman. Ev (usûl ji bo wê yekê) herî çêtir e ku şahid şahidiya xwe bi heqî pêk bîne weya bitirse ku wê sonda wî bê derewdêrandin bi sondekî din. (Madem heqîqet wiharenge îdî hûn) ji (dijberîya) Xwedê Te‘ala bitirsin û baş guhdar bin. (Lewra) Xwedê Te‘ala qewmê fasiq nayne ser hîdayetê. (Maîde: 106,107,108)

Gelî Bawermendan! Dema ku hûn (di hengama herbê de) leqayî wan kafira hatin ku (di nîzama herbê de) bi komanîne, pişta xwe nedin wan û (ji herbê) nerevin (Enfal: 15)

Gelî Bawermendan! İta‘eta Xwedê Te‘ala û Resûlê wî bikin. Û digel bihîstin(a hinarîyên wî) rû ji wî nefetlînin. (Enfal: 20)

Gelî bawermendan! Dema ku we dawet dikin bi bal wan tiştan ve ku we îhya dikin, hûn îcabetî (de’weta) Xweda û Resûlê wî bikin û (baş) bizanibin (ku) bêgûman Xwedê Te’ala dikeve nava mirov û dilê wî. (Hem dîsa baş bizanibin ku) bê gûman hunê di ‘huzûra wî de bên civandin. (Enfal: 24)

Gelî bawermendan! Bi Xweda û Resûlê wî re îxanetê nekin û bi zanîn bi emanetê xwe re jî îxanetê nekin. (Enfal: 27)

Gelî Bawermendan! Eger hun ji (dijberîya emr û nehyê) Xwedê Te‘ala bitirsin ewê fûrqanekî[3] bidit we. (Hem) ewê seyîatên we veşêre û we bi‘xefrîne. (Lewra) bêgûman Xwedê Te‘ala xwedî fedlek ‘ezîm e.  (Enfal: 29)

Gelî Bawerendan! Dema ku hûn (di hengama herbê de ji neyarên xwe) leqayî komekî hatin sebat bikin û Xwedê Te’ala pir bi bîr bînin da ku hûn bigîjin fela‘hê. (Enfal: 45)

Gelî Bwermendan! Eger di dewsa îmanê de kufrê bi pejirînin bira û bavên xwe (jî) ji xwe re nekin welî.[4] Ji nav we herçî kesê ku wan ji xwe re bikin welî, îdî zalim ew bi xwe ne. (Tewbe: 23)

Gelî Bawermendan! Bê gûman muşrîk bi tenê ji necasetekî ‘îbaret in. İdî bila piştî van salan nêzîkî Mescîdul-‘Heramê nebin. Eger hûn ji xizanîyê ditirsin (baş bizanibin ku) eger Xwedê Te‘ala bixwaze wê we ji fedl û kerema xwe dewlemend bike. Bê gûman Ellah Te‘ala ‘Elîm û ‘Hekîm e.[5] (Tewbe: 28)

 

[1] Xwdê Te‘ala ‘Xefûr e yanî guneha di bexşîne. ‘Helîm e yanî di dayîna ceza de ‘ecele nake, muhletê dide gunehkaran.

[2] Yanî di şahidiya xwe de ne rast in, obalê mirî girtine ser xwe, heqê wî ketim kirine û ji gunehkara ne

[3] Fûrqan: Di vir de bi m’ena Fehm û îdraka jihevveqetendina heq û batil e

[4] Welî: Bi m’ena wan kesa ye ku meriv ji xwe re dike dost û di tengasî û firehîyê de wek hêwirgehek xwesipartinê dibine.

[5] Xwedê Te‘ala ‘Elîm e yanî her tiştî çêtir dizane. ‘Hekîm e yanî hîç karekî wî ji ‘hîkmetê xalî nîne.

Leave a Reply

Your email address will not be published. Required fields are marked *