BijarteŞêxmûs BedlîsîEger ew Tirkê Şîrazî bi dest bigre dilê me lew

Hafizê ŞÎRAZÎ

 

 Eger ew Tirkê Şîrazî bi dest bigre dilê me lew

Bi xalê hinduyî’dbexşim Semerqend û Buxara lew

 

Bidî Saqî meya baqî ku nêv cennet tu nabînî

Kenarê avê Ruknabad û gulgeşta Musella[1] lew

 

Ji destê dilberên şux û şirînkarî  hewarî ye

Wekî Tirkan kirin yexma ji dil sebrê revandin lew

 

Ji ‘eşqa natemamê me cemalê yarê mustexnî

Bi al û reng û xal û xet çi hacet rûyê delal lew

 

Min ew fêm kir ji rindîya Yûsuf ku roj bi roj geş bû

Heman ‘eşq bû Zuleyxa-j perdeya îsmet qetandî lew

 

Eger dijmîn bibêjî yan eger nifrîn di‘a-dkim ez

Cewaba tel dixemlîne lêvên le‘lê[2] şirînî lew

 

Nesîhet guhbidêr canê ji can pêştir ku hez dikin

Ciwanên zor se‘adetmend ji pendê pîrê zana lew

 

Kelamê’j mutrib û mey bêj û raza dehrê[3] kêmtir bêj

Ku kes neghîşt û naghîjit bi hîkmet vê mu‘emma lew

 

Xezel geş kir te dur qul kir were tu xweş bixwîn Hafiz

Ku ser nezma te weşandî felek Eqda Sureyya[4] lew

 

Mutercim: Şêxmûs BEDLÎSÎ

 

 

 

[1] Ruknabad û Musella navê du cihên ji Şîrazê ne.

[2] Cûreyekî kevirê bi qîmet e.

[3] Felek, zeman, dinya.

[4] Navê stêrkan.

Leave a Reply

Your email address will not be published. Required fields are marked *