Fethûllah YalçinGiştîÇibikim ji Dunya Xalî

geometric patterns in drying soil of the negev desert

Derd û ğemê min gelekin, der û dorê min ma xalî
Gund û bajarêm vala bûn, deşt û zozan mane xalî
Ez mam tenê li van wara, dost û heval bi karwanî
Yek bi yek bar kirin û çûn, çibkim ez ji dunya xalî

Hatin zozan şa’lûr û kew xwendin şi’ra beste beste
Lê hezîn im bar dikin lew, baz û bulbul deste deste
Kî şehîd çûn, kî ‘âlim bûn, li paş hiştin aşîyanî
Çewa hatin çûn ji dunyê  yan zû kirin, yan aheste

Jîyan rê çûnek biyanî însan bi tehqîq çi kes e
Şev û roj, sal û zemana li ser gerdûn çi bê tirs e
Kesê çûn carek ne hatin roj çû ava, bi giryanî
Bê fayde ye ah û enîn, ecel rê çûnek bê kese

Çi dildaran serî danîn pêjna wan tim tê ber çava
‘Indeko ye, reng bihar in dide dor bêhn û alava
Li nîv asîman stêrk in herikîn çûn nagîhanî.
Ev e ahenga heyatê, teqdîra Heq li ser  çava

Ji bîr nakim Mela Ahmed lê Xweda sebrê dişîne
Aferand wî renga reng e, sor û spî kesk û şîne
Hêlîn danî berhem çê kir ‘îlm û îxlas bazirganî
Hêvîya me roja giran, şefa’et boy me bişîne

Yek dîldarê din çi bêjim bi navê xwe ‘Ebdulletîf
Evîna dozdarên henîf, xwedyê letîfeyên zerîf
Çûna wî, me gelek êşand, şewata dil di bîr anî
Gotin letîf û hal letîf, yarî letif û qal letîf

Bi hemhemew sazbendîyê, gulbangû gazîya nazik
Li nav mil xil’eta sorîn, dîldarê xwey perû bazik
Memo çûye şehadetê ew cudaya dîlberanî
Welwele xist nav neyara, heland dilê meyî nazik

Dunya fanî ne tac û text, ka mal û mulk ji kêr mane
Dengê çirîyek bi rûmet, daxwazîya mu’mina ne
Şuhret û hebûna vê der, li alê din bar giranî
Xwedawendî tali’ û bext, razîne pê kesê zane

 

Leave a Reply

Your email address will not be published. Required fields are marked *