Rojekê heywanên daristanê mêze dikin ku rovî bi lez û bez ji daristanê direve. Rovî didin sekinandin û jê pirs dikin:
– Gelo çi bûye? Tu çima direvî?
Rovî dibêje:
– Şêr ferman li deveyan rakirîye. Ez loma ji daristanê derdikevim.
Heywan dibêjin:
– Ma çi li te qewimîye? Tu ne deve yî, tu rovî yî.
Rovî dibêje:
– Ez jî zanim ez rovî me. Lê belê zeman xirabe. Fesadekî bibêje ‘ev ne rovî ye, ev çêlîka devehê ye.’ Ez ê çi xwelîyê li serê xwe bikim.