Rêya azadiya însan
Her zeman rêya Rehman e
Ji boy bindest û mezlûma
Nebîyên wî pêşîvan e
Wekî her dem û her zeman
Muhemmed e ji mer rêzan
Xelasîya her du cîhan
Rêya wîye vê bizane
Dînê Xweda ye ji mer nûr
Me tê de her dîye hizûr
Yek demê em jê nebin dûr
Dûrbûna jê, lew xusran e
Heqq û mafê her însanî
Xuda ew kirye nîşanî
Bi teqwayê ye meznanî
Tu qewm ne meznê qewman e
Ey gelê meyî musluman
Guh nede fikrê kâfiran
Çarew xelâsîya gelân
Daîm sunnet û Qur’an e
Meqseda kafira ku em
Biqetin ji Rebbê ‘âlem
Bibin tabi’ê wan her dem
Ji wan ra bibin perwane
Ew dixwazin em ğulam bin
Ji bonî wan timî ram bin
Neyarê ehlê Îslam bin
Ma ev tevde ne xuyane?
Ji Xuda em pir dûr kirin
Ji hevdû em hûr hûr kirin
Xelqê feqîr meğdûr kirin
Dinya li me lew zindan e