Kerg pê haki, bız pê şiti
Dar pê peli, gem pê dari
Behr pê awkı, erd pê bezri
Her tım zîKr kên Homa’ri
Rêy gurên varon varen
Verg zuren, paskuvi remen
Keku wanen, melı çeren
Her tım Zîkr kên Homa’ri
Ser virêni inson mırenu
Haywon qaleno vaş çerenu
Felek gerena inson mırenu
Her tım zîkr kên Homa’ri
Kera teqena vılık bena zergun
Wor varena horês teqenu
Laser yenu awk xûşena
Her tım zîkr kên Homa’ri
Rıstım konu erd, dar vejina
Wesar yenu bezrı teqenu
Heyvon venu inson’ir benu qervaş
Hem tım zîkr ken Homa’ri