‘Îd e îro bê qerarim ez ji feqda dêmdurê
Bê ‘hebîb im bê ‘hebîb im bê ‘hebîb im bê ‘hebîb
Herkesek ba yarê xwe meşyan se‘hergahan li rê
Pur kebîb im pur kebîb im pur kebîb im pur kebîb
‘İd e kêf û şahî ye nêv xas û ‘amê ğulğul e
Yek yekan ‘aşiq li ser sorgul mîsalê bulbul e
Nîne der qelbê me bestek çun ku mecrû‘h dilkul e
Bê tebîb im bê tebîb im bê tebîb im bê tebîb
‘İdeyan yarê xwe girtin çûne seyra gulşenan
Muntezîr ba sağir û rey‘han û werd û sosinan
Lê tenê mame digel eşkan di kinc û gulxenan
Bê nesîb im bê nesîb im bê nesîb im bê nesîb
Sub‘hê ‘îdê herkesek dergeştê se‘hra renge reng
Ser me ez ğem cem‘î bûne leşkerê Rom û Fireng
Der bunê ğarê fîraqê keftîme pê yarî şeng
Ez ğerîb im ez ğerîb im ez ğerîb im ez ğerîb
Rojê ‘îdê tarî ye wek leylê bê şem’ û çira
Ser ğerîbê bê kesê dûrbit ji yar û hogira
Şadîya ‘îdê li min ‘huzne gelî yar û bira
Dil keîb im dil keîb im dil keîb im dil keîb
Dê çawa ‘idê temaşakim li kêf û şahîya
Çunkî muhlet nakevîtin dil ji ah û zarîya
Dûr û mehcûr im ji yarê ser refîqa zûsîya
Na qerîb im na qerîb im na qerîb im na qerîb
‘İd e yan îftar kirin dîtin mahê nû yek bi yek
Saim im hêja mi nedye meh li ser çeşmê belek
Cumle yaran firaz in lê tenê ez tek bi tek
Der neşîb im der neşîb im der neşîb im der neşîb
‘İd e nig xelqê temaşa ye wekî feslê buhar
Neğme xûn in herkesek berwerdî weslet sed hezar
Gul mi winda ye di hîcranê dinalim zarî zar
‘Endelîb im ‘endelîb im ‘endelîb im ‘endelîb
Gerçê îro ‘id e emma cergê min ateş ketê
Dil te‘hemmul nakitin seyra riyadê cennete
Min ‘hebîb ne xwîya ye weyla ketme pêta fîrqetê
Bê şekîb im bê şekîb im bê şekîb im bê şekîb
‘Îd e herkes li kêf û şahî ye ev rojê ‘îd
Ez tene mame di kuncê namuradê bê umîd
Cumle ‘aşiq surxî rolê ez div ê ‘halê şedîd
Şubhê sîb im şubhê sîb im şubhê sîb im şubhê sîb
‘îd e sa‘hib yari ba yaran dikin geşt û guzar
Min ji me‘hrûmî nema qet sekne û sebr û qerar
Nîne der destim ji mehcûrê zî mamî îxtiyar
Dil ferî bim dil ferî bim dil ferî bim dil ferî
Min ne newroz e ne ‘îd e min ne kêf û ne surûr
Dil ji hîcranê melûl e nabitin şad û sebûr
Gerçi ‘hala der fîraq im lê bi qelbê sade nûr
Der rekîb im der rekîb im der rekîb im der rekîb
‘İd e mehcûr im ji yarê nazikê xed sorgulê
“Rû‘hî” ‘ulwî yî emma ketme dereka esfelê
Lê kî çûn bû mubtela bê ‘hed selef zatê welê
Mustetîb im mustetib im mustetîb im mustetîb