XWENDIN

Article

 

Emrê Xwedayî ewwil, ji boyî însan e xwendin

Rîya rast dide ber me ew, çi xweş rêzan e xwendin

 

‘Ilm û zanîn û hîkmet, pir nivîsandîye qelem

Ni’metek gelek mezin, ji teref Rehman e xwendin

 

Dijmin e ji bo însana, nezanî yû cehalet

Xelasî yû ronîbûna tevê cîhan e xwendin

 

Xwendina bi navê Xweda, feydê dide her zeman

Lê ne bi navê Xweda be, ew dem zîyan e xwendin

 

Bixweynin, de nas bikin xwe, em kîne li ser cîhan!

Heqq û batil dide zanîn, yeqîn furqan e xwendin

 

Ji însana ra cehalet, nexweşî yû derd û jan e

Ji tevê nexweşîyan ra, timî derman e xwendin

 

Ava dibin medenîyyet, bi ‘ilm û zanînê her

Ji her gel û milletan ra, jîn û jîyan e xwendin

 

Pêlîstokek bê qîmet e, destê şeytan de nezan,

Hişyarî yû azadîya ji dest şeytan e, xwendin

 

Zana û nezan, nabin yek li cem Rebbê ‘alemê

Nav ‘aleman de ew, rutbe û xweş nîşan e xwendin

 

Naskirna Xwedayê mezin, bi xwendinê ye helbet!

Vê bizane, keşfa sirrê kewn û mekan e xwendin!

Nuqteyên hibra qeleman, şîn dike dehl û rezan

Meş û seyran û gera di nêv gulistan e xwendin

 

J-kehnîya wehyê dinoşe, kase kase, xwendevan

Man û sekna meyî di bin sîya Qur’an e xwendin

 

Dewlemendê şadîyê ne, ‘alim û ‘arif yeqîn!

Xezîne û ça’vkanîya ‘ilm û ‘îrfan e xwendin

Kesê derket vê bazarê, xisar nake ew ti car

Gewherê bêbûha ye ew, qîmet-giran e xwendin


Di debarê nivîskar de

Têhev

24

Gotar

Ê Berê LIMÊJ
Ê Li Pey YA MUHEMMED

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.