Ji Bo Kurdan Xwendina ‘Ilm û ‘Îrfan

Article

 

Gelî Kurdan li dora xwe nezerkin

Tevgera ‘alemê çi ye fikirkin

Xweda Xaliq ku dame fikr û ‘eql e

Bi wan em kar û îşê xwe durustkin

 

Di destpêka jiyanê de Xweda şand

Suhûf û hem kîtap ji bo me ‘ebdan

Resûlan wan ji bo me xwend bi tefsîl

Ji bo em jî bixwînin bidne dû wan

 

Evê dewra me ku axir zeman e

Xwda şand tê de kîtab û beyan e

Kîtab Qur’an a mu’cîzul beyan e

Kesê xwenda ji wan ev bû ‘eyan e

 

Xweda sond xwar bi qelem û nivîsê

Ji bona em qîmet bidne nivîsê

Kîtab û xwendin û tefekkura-d wan

Heçî pê girt xelas bûn ew ji xebîsê

 

Bilindbûn û ‘ezîzî-b xwendinê ye

Ne bi çavberdana rêça Ğerbê ye

Xwendina ku ew bi navê Xweda be

Rihetîw dilşadî tê da xuya ye

 

Ji bo Kurdan xwendina ‘ilm û ‘îrfan

Di gel fikrên hizirmend û fuhûlan

Wacibê yekem dizanin pêşewa

sahibê ‘eqlê selîm û qulûban

 

Kesê girtiyê-b dujminê Xwedê ye

Yan li dû înkara wehyû heqyê ye

Welew bar bar kitêban hilgire jî

Xaliqê ‘alem ew şibhand kerê ye

 

Dahşik çiqas beza û bi qewet be

Ji cinsekî esîl û bin emir be

Mezin bibew barê wî jî kitêb bin

Ewê jî her wekî bavê xwe ker be

 


Di debarê nivîskar de

Têhev

3

Gotar

Ê Berê Mezinantiya Resûlê Ekrem ‘Eleyhîsselatû Wesselam Û Mîsalên Şeş Zarokan
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.