MIZGEFTA AYASOFYAYÊ Û KURD

Article

Ji ber ku Ayasofya ji muzetiyê hat wergerandin bibal mizgeftê ve her kesî û her beşî xeberda. Bi rastî her kesî xwe mecbûr dît ji xeberdanê re. Çimkî ev wergerandin ne bûyereke normal û ‘adeti ye. Bi taybet ji bo muslumanên Tirkiyê bi giştî jî ji bo ‘alema Îslamê Ayasofya remza xîlafetê, remza fetha Îslamî û nişana serbilindiya li hember ‘alema ğerbê ye.

Ji ber van wesfên wê rejima Kemalîsta laîk jî di destpêka dewra cumhuriyetê de wê ji mizgeftiyê wergerand bi bal muzetiyê ve. Çewa ku înqîlaba herfan kir, herfên Quranî rakir û herfên latînî anî, xîlafet rakir, medreseyên şer’î girt, hukmê şerî’etê îlğa kir û bi fikra neteweperstiya Tirkayetiyê ji ğeyrî Tirkan pêve hebûna hemî qewmên din înkar kir. Ji bona ku van qîmetan venegerin ser eslê xwe ‘adetî wan li zincîra xist. Ji wê rojê û heta îro çavên muslumanên Tirkiyê li ser Ayasofya ye ku rojekê dîsa bibe mizgeft û ji bo limêjê were vekirin. Gelek caran bi navê “zincîran bişkînin Ayasofyayê vekin” mîtîng hatine tertîbkirin.

Di 24ê meha Temmûzê de ku Ayasofya ji bo limêjê hat vekirin û fi’len bû mizgeft umîd û heyecanekê di nav muslumanên Tirkiyê û dinyayê de peyda kir. Herwekî zincîr şikiyan û Ayasofya vebû. Helbet ev kêf û heyecan ne ji bona zêdebûna camiyekê ye. Ev heyecan ji bo şikestina helqek zincîra Kemalîzmê ye. Ji bo defi’kirina destê zulmê ye ji muqeddesatên xelkê herêmê. Ji bo xelaskirina remzeke azadiyê ye. Ji bo bi destxistin û xwedî derketina li îrada xwe ye.

Kesên ku zanin ji destê rejima laîk û kemalîst çi kişandine û çi dikşînin, çi mutedeyyin çi ğeyrî mutedeyyin, çi neteweparêz çi muhafezekar bi vê heyecanê kêf û şahî kirin, li ser cûrên medyayan xeberdanên pîrozbahiyê kirin, limêjker roja înê wek lehiyê bi bal camiya Ayasofyayê ve herikîn.

 ‘Alema fillehan jî bi çavê dêrê lê dinerin, wê ji bo xwe pîroz dibînin. Her çiqas nikarbûn wê bi dêrîtî bişuğilînin jî mayîna wê bi muzetî ji wergerandina wê bi bal mizgeftê ve bêtir li hesabê wan dihat. Ji ber vî qasî ‘alema fillehan di gel xas û ‘amên xwe bi sebeb vê wergerê gelek nirxên menfî kirin, gelek xeberdan. Hetta hineka Turkiyê tehdît kir, hinekan jî bi tundî lome lê kirin.

Kesên ku de’wa Kurdan û Kurdayetiyê dikin jî ji wan tê hêvî kirin ku li de’wa Ayasofyayê xwedî derkevin. Çimkî mesela Ayasofyayê û a Kurdayetiyê du meseleyên yek pirsgirêkê ne. Pirsgirêka kemalîzm û laîsîzmê.

Xwedîderketina li Ayasofyayê, xwedîderketina li heqqê xweyheqqa ye, cîgirtina di seffên wan de ye. De’wa Kurdayetiyê pê xurt dibe.

Xwedînederketina li Ayasofyayê xwedînederketina li heqê xweyheqa ye, bihêzkirina seffên heqxura ye, zirarê dide de’wa Kurdayetiyê.

Mesela Ayasofyayê qistas e ji Kurdan re. Bi wê xêrwaz û xêrnexwazên xwe nas dikin.

 

Di debarê nivîskar de

Têhev

34

Gotar

M. ‘Ebdussamed ‘Hilmî

  • MIZGEFTA AYASOFYAYÊ Û KURD
  • Di Îxtîlafên Navbêna Xwe De Sitwê Hev Şikandin
  • د ئيختيلافێن ناڤبێنا خوەدە ستوێ هەڤ شكاندن
  • Çima Em Wiha Sefîl û Muflis û Zelîl Man
  • چما ئەم وها سەفيل و موفليس و زەليل مان؟
  • بگوهێ قەلبێ خوە گۆداري بكن ئو بچاڤێ عەقلێ خوە بنەڕن
  • SERÊ XWE RAKIN BÊJIN TU RAST DIBÊJÎ
  • سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن
  • HEVPEYVÎNA CIVAKA KURDAN BI SEYDAYÊ BEDÎUZZEMAN RE
  • بهەركەسيڕە مەيلا دينێ ئيسلامێ پەيدا بويە
  • NÛRA DILAN JÎ NERMÎYÛ MERHEMET E
  • هەڤپەيڤينا جڤاكا كوردان بسەيدايێ بَدِيعُ الزَّماَنْڕَه
  • Î’layê Kelîmetullah Bi Pêşveçûnê Ve Girêdayı Ye
  • ئيعلايێ كەليمەت الله بپێشڤەچونێڤە گرێداييە
  • ئەم هاي ژخوە نەمان ئو مە ڕيعايەتا تەدبيران نەكر
  • Di Dinya Me Ya Îro De Înqîlabek Dunyewî û ‘Ecêb Heye
  • ددونيا مە يا ئيرۆ دە ئينقيلابەك دونيەوي ئو عەجێب هەيە
  • Wekhevbûnî Ne Di Fedl û Şerefê de...
  • وەكهەڤبوني نە دفەضلو شەرەفێدەيە، دحقوقدەيە
  • Hurriyeta Me Wê Bibe Fecra Sadıq Ji Bo ‘Alema Îslamê
  • حوڕيەتا مە وێ ببە فەجرا صادق ژبۆ عمومێ عالەما ئيسلامێ
  • Hurriyeta Ğeyrîmusliman Şu’bek Ji Hurriyeta Me Ye
  • حوڕيەتا غەيري مسلمان شوعبەك ژ حوڕيەتا مەيە
  • HURRIYET; XUSÛSIYETA ÎMANÊ YE
  • حوڕيەت؛ خصوصيەتا ئيمانێيە
  • Hurriyeta Li Hember Însan...
  • ڕەچەتا كوردان
  • Rafiziyê Huriyetê Kolê Nefsê Ne
  • ڕافزيێ هەرتشتي هەنە ئێ حوڕيەتێ ژي كۆلێ نەفسێنە
  • Yan Xîlafeta Şer’î Yan Jî Îzmîhlala ‘Umûmî
  • يان خيلافەتا شەرعي يان ژي ئيزميحلالا عمومي
  • Em Li Şerî’etê Xwedî Derkevin...
  • ڕەچەتا كوردان
  • Hevpeyvîna civaka Kurda Bi Seydayê Bedî’uzzeman re
  • Ê Berê Di Îxtîlafên Navbêna Xwe De Sitwê Hev Şikandin
    Ê Li Pey

    Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.