EY DÎLBER

Article

Cîhan bê te nexweş e
Jiyan ta’l e ne geş e
Dil tariyû hem reş e
Herder xerab û wêran

Ey dîlberê hela rab
Dil şewitîm bûm kebab
Tuyî ji mir afîtab
Afîtaba ser cîhan

Eya saqî el însaf
Şerbeta cama şefaf
Mêvanan bike îthaf
Ferz e îkrama mêvan

Meya ‘eşqê kê vexwar
Ji cîhanê ma bê par
Heyata wî tarûmar
Ketî cezbek bê hedan

Kes bi derdêm nizanî
Min heder kir xortanî
Mecnûn im leylam kanî
Derdê ‘eşqek bêderman

Xortaniya xwey delal
‘Umrê xweşik meh û sal
Min derbas kir bê wîsal
Di fîraq û di hicran

‘Eşqa mecaz bela ye
Zîn e yan jî Leyla ye
Kesê pê mubtelaye
Ğafil mane ji Rehman

Zîn û Leyla fanî ne
Gelek bi wan xapîne
Dunya ji xwer kirîne
Axret ji dest xwe berdan

Ellah ji mer ğaye ye
Me’şûq û hêvya me ye
Me’bûd û xwedyê me ye
Tê her kî de ey însan

Salih tu jî wek bulbul
Ji gula xwe neb ğafil
Ji gemarê bişo dil
Zikrê heq bik her zeman

Di debarê nivîskar de

Têhev

8

Gotar

Ê Berê JI MEWLÛDA NEBÎ
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.