VILAWEKİYA NETİCEYÊ KOMBİYAYİŞÊ ‘ALİMAN

Article

Hetê Yoyitiya ‘Âliman u Medreseyan (İTTİHADUL ULEMA) ra ‘Diyayişê Yobinan a 4. Ê ‘Aliman’ tarixê 19 u 20 Teşrino Yoyin dı Diyarbekir dı vıraziya. Turkiye, İran, Iraq u Suriye ra aliman iştiraqê ıno kombiyayişi kerd. Kombiyayiş, dı ruec dewom kerd u hiri runıştışi biyi. Peniya ino kombiyayiş dı vılawekiya neticeyê kombiyayişi ilan bi. Qey halkerdışê tayi probleman ini madeyi rêz biyi:

Hemd(Pesndayiş) Homayê Rebbê ‘Aleman ri bo!

Wa salat u selam Hz. Muhammed Mustafa, ehlê beytê ey, eshabanê ey u ê bawermendi ki rayıra ey ra şini sera bo!

Kombiyayişê 4. ê ‘Alimano ki ma tarixê 19-20 Tışrino verin 2019 (20-21 Safer 1441) dı vıraşt pê inayeta Homayi weş a weş viyert u qediya.

‘Alımi ercayi u şexısi muhimi ameyi ıno kombiyayiş. Pêşkeşiya tebliğan u mulahazayan dıma maddeyê ki ma cêr dı rêz kerdi inan ser itifaqêk vıraziya:

1- Problemi şaranê welatanê İslaman heq u ‘edalet ser hal nêbeni! Ino rıd ra problemi beni zêd; emperyalisti ‘erdê ummet işğal keni u ixtilafanê Bısılmanan ra istifade keni, guniya ma rışneni, war u welatanê ma keni xırabe.

2- Ma veng u salıx dani idarekaranê welatanê İslaman wa gueş bıdên emır u nehiyanê Homayi, wa inan biyarên ca! Wa heq u meslehatê şarê xu bigeri u qeraranê xu dı tesirê ecnebiyan dı memoni!

Wa tım a tım bilaqeyd xuser hereket bikeri!

3-Wezifeyê ‘aliman ıno wo:

Seni’g eshaban ‘esra seadet dı gueş dên emrê Homayi u ardên ca, sunnetê Resulullahi dıma şiyên wa ‘alımi zi zey inan bikeri, wa her gure dı şarê xu ri rehberi bıkeri, wa halkerdışê meseleyan u probleman dı mesuliyet bıgeri!

4- Wa ‘alim u medresayi mesuliyet bıgeri u projeyan vırazi ki wa medeniyetê İslami zey ‘esrani verinan newe ra berz bo!

5- Gereka ‘alimi ğeyret bıkeri ki wa insani mekuweri ifrat u tefrit, baweri u ‘emel ser yo xeta mutedil ser bımoni!

Gereka ‘alimi meseleyanê qıcan ser muneqeşe nikeri, bilaeqs qey pikotışê insanan reberi bıkeri! Eg ‘alimi muneqeşe bıkeri insani qefle qefle ciya beni, her yo qefle yo heta şıno.

6-Qey şaranê Bısılmanan wesıfo tewr muhim u tesirın umış u pikerdışê famila u keye yo! Ino sebeb ra ma ‘alimanê ummet ra vani:

Wa pê xebatanê weş, raşt u zıxman verê a fitne u fesadi bigeri ki şarê ma, ciniyanê ma u xortanê ma ser vıraziyaya u vıraziyena!

Gereka ‘alimi pa wa medreseyan qasê quwet u imkananê xu xortan dı biyeri yo ca, waştışanê xortan biyari ca u meseleyanê inan hal bıkeri!

7- Qey nesılanê ki şarê ma ri rehberi keni gereka medresayi ma newe ra yo sistemê te’limi bıvırazi u qey ınay komisyonêk teşkil bıkeri; labelê wext ıno sistem naru wa usul u adabê medrese nixerıpni, ixtiyacê insananê ekayinan ri zi diqet bıkeri!

8-Qey ına ummet, ciniyi zaf ercayi u qıymeydar i. Te’limê inan, pawıtışê inan, zonayışê qedr u qıymetê inan u ca ardışê heqqê inanê ki Homayi ma ra vato yo wezifeyo muhim o. Gereka ıni ‘alimi ıno wezifa biyari ca u pê gueş mekeri!

9- Gereka tutan dı, qıcti ra yo hişa wendış u medresa bıvıraziyo u formê te’lim u tedrisi qasê serranê inan bıbo. Eg çı wext talebeyan tedris qedina gereka qey inan qasê eleqa u eşkayişê yın fırsendê ixtisas bıbo ki wa ê yo wareyê ilmi dı bıbi mutexasıs.

Gereka seba ıno armanci çı hacet u imkan lazım o tedarık bıbo.

10- Wesıtayi tekiliyê moderni hıni qey ıno ‘esri ixtiyaci zaruri yê. Seba ınay ‘alim u medresayi gereka ıni wesıtayanê modernan ra istifade bıkeri. Bela beno ki ê faydeyê ki pawiyeni hesıl beni u zırari zi men beno.

11- İslam dı de’wet yo wecibeyo dini u zaruri yo. Inay ra ‘alim u medreseyi gereka ıno wezife xu ri zey wezifeyo taybet bızoni. Pawa ınay gereka ıno wezifeyê de’wet bı basiret, hikmet u şiretani rından biyero kerdış.

Gereka ıno ware dı mıcadele seni’g Homayi emır kerdo hına şeklêko rınd u baş dı bıbo.

12- Xorti ma zey sebebanê ‘herbê ki ‘erdê Bısılmanan dı esti, nêheqiyi ki her tım beni, bêedelati u tengiya iktisadi bar keni şıni welatani Rocawani. Ma seba ınay veng doni herkesi u voni:

Welatê xu dı umişo sosyali tesis bıkerên, zulım weradên u xortan ri imkanê xebat u gureyi bıvırazên! Bela beno ki seba ıno cehd u ğeyret xorti ma bar nêkeni nêşıni u fıkrê Rocawan ra fek veradoni u nêkuweno rayırê dalaleti!

Peniya duayê ma Rabbê ‘Alemon Homayi ri hemd kerdış o!

Di debarê nivîskar de

Têhev

12

Gotar

Ê Berê KUTIKO ZEĞER
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.