Dîrok, şikêr, brîn û gelîyê zîlan

Article

 

 

Dîrok, şikêr, brîn û gelîyê zîlan                         

                             Jibo keda mehmet baran

dîrok 

dîrok bîrek e

bi şikêrên tagirtî terman dihembêje

pirî caran

dema ku ahenga

nalên hespan kur lê vedide

çavê axîneke bi tiraf diterife

diçê digel rûbareke ji xwînê

olan dide di navîskeke tarî de

 

şikêr

şikêr û talan

devî di devî de

li termekî çalkirî digerin

di wê mecdemînê de

 

hespên xwe dibezînin 

li ser nexşa êşê

pîkol e her gav

li kîjan şikêrê vegerim

xwîsî dimîne di gewrîyê de

 

brîn

û şopa xwînê xwe dighînê singûwên

di paxila keçeke xama de

 

û li berbejna jinên wan diçirisê

hovîtîya wan

 

û xwîn hêjî ji qiloçên dehhakan dinuqute

û diçê li dargerînka êşê divedê

di vî nizarî de.

        

gelîyê zîla

sê çiq e dibêjin

çiqek jê bekiran e

û yek jê hemoyan

û ê dî jî hecî dêran e

û dayê dêran e

û ne emane ji me re

 

ji talan û ker-manekê bi şûnde

dibêjin her şikêr gornek e vedayî ye

li ser dilê me dikelê

di vî gelî de

 

 

Di debarê nivîskar de

Têhev

5

Gotar

Ê Berê DESTIK GOŞT MAN LI BERÎYÊ
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.