BÎLLAHÎ EM JI YARÊ RE FEDA CAN IN

Article

 

Bîllahî em, ji yarê re, feda can in!

Ji xizmeta deryê wî, em bûne mestane.

Ji deryê yâr nikare kes, me qut bike;

‘Eşqa me ji temamê ‘alem ve ‘eyan e…

 

Em rêwing in, rêberê me Resûl e;

Qelbê me her bi ‘eşqa wî mijûl e,

De’wa me, qet ne mal û mulk û pûl e;

Dinya ‘alem temam bi me di zane…

 

Me pir dîtin li şopa yâr rojê giran,

Me pir bûrand dem û dewranên bi îmtîhan,

Ji ber ‘ezm û evîn û dozdarîya me,

Zor û zehmet û îmtîhan tev westîyane…

 

Heger yâr razî be, ev ji mera bes…

Ev e meqsed, ji mer meram û hewes.

Hubba yâr e, dide me bêhn û nefes;

Li dora yâr lew em bûne perwane…

 

Dengê Qur’an, tînê qelbê me hizûrê;

Der û dor tev rewşen dibin, ji şewqa nûrê;

Wekî Tûrê, ji hişê xwe dil dibûrê;

“Ellah! Ellah!” ji zikrê şêrîn dil sekrane!

 

Li ser soza xwene, em ji elestê;

Narê tecellayê, me dî di bestê;

Ey neyaro, xwe bi me tû ne westê!

Ji Xweda re, rih û can me tev dane!

 

Di debarê nivîskar de

Têhev

16

Gotar

Ê Berê WELATÊ MÊYÎ ŞÊRÎN
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.