بهەركەسيڕە مەيلا دينێ ئيسلامێ پەيدا بويە

Article

هەڤپەيڤينا جڤاكا كوردان بسەيدايێ بَدِيعُ الزَّماَنْڕَه: ڕەچەتا كوردان

بسم الله الرحمن الرحيم

 مە گۆت كو دبنێ هنەكاندە خەرابي هەبە ژي گەرەك مەرەڤ هجومي سەر نەكە ﴿من دحاديثەيا سيو يەكي ئادارێدە حالەكي نێزي ڤيا ديت. چمكي من ديت فەدائيێن ئيسلامێ ئێ خوەدي حەميەت كو شورايا شەرعي دخوازن ئو شورايا شەرعي ڕوحێ حەياتێ دزانن، ژبۆ كو شورايێ لشەريعەتي تەطبيق بكن ئو كو ئيدارەڤان ژي لگۆري قورئانو سوننەتێ حوكوم بكن نەصيحەت لوان كرن. ئو ڤان فەدائيێن ئيسلامێ ژبو كو ناڤێ شەريعەتا پيرۆز بقووەتاشورايا شەرعي بلند بكن هنك نەصيحەت كرن. ئو ديسا ڤان فەدائيان ژبۆ كو شورايا شەرعي بقووەتا شەريعەتێ ئو قانونێن ئيلاهي بدۆمينن نەصيحەت كرن. ئو ئەو خەطائێن كو ددەورا سەلطەنەتێدە هاتنە كرن ژبۆ كو بدن نيشاندن كو ڤانا ژ نە ريعايەتكرنا شەريعەتێ چێبونە هنك نەصيحەت كرن ئو لهەردەرێ ڤان گۆتنێن خوە بەلاڤكرن﴾

﴿پشتڕە ڤان جاهلێن كو هێ ڕاستو چەپێ خوە ژهەڤ ناسناكن ئو ظەن دكن كو -حاشا- شەريعەت موساعدە ژ ئيستيبدادێ ڕە دددە، وەك هاوێ كو طوطي تەقليدا ئينسانان دكن ڕابون گۆتن ئەم شەريعەتێ دخوازن، لێ بڤێ گۆتنێ مەقصەدا وان سەلطەنەت بو. بڤي ڕەنگێ تەڤلهەڤيێ مەقصەد نەهات فێمێ، ئەو كەدا وان فەدائيان ژي بەيهودە چو، وان كەسێن كو خوە بدەرەوا  حەميەتپەروەر ددان نيشاندان ئيدي بشەكلەكي عەلەني ئێريشي سەر ناڤێ شەريعەتا پيرۆز كرن﴾

﴿بسەبەب ڤێ نوقطێ هيممەت و غيرەت ژي ڕونشتن، نكاربون ئيدي ڕابن پيا لەقلەقا دلنەخوازيێ دەنگێ موسقيا حوڕيەتێ خەراكر، مەشروطيەت قەلص كەت ئو دناڤ كێم كەسان تەنێدە هەما ناڤێ وێ بتەنێ ما، فەدائيێن كو شەرەفا وێ حمايە دكرن ئەو ژي ژێ قەتيان﴾

س: - ﴿بسەبەب كو ئەم هنك كەسان بێ دين ظەن دكن چما ئەمێ زرارێ ببينن؟﴾ مەثەلا ئەز دبێژم فلانكەسۆ بێ دينو بێ ئيمانە، دڤێ گۆتنێدە ئەزێ چ زرارێ ببينم؟

ج: - ﴿ئەزێ لسەر پەردا خيالێ ميثالەكێ بدم ئو زرارا وێ ژوەڕە بێژم﴾

﴿ئەم فەرزبكن؛ لسەر ڤێ صەحرائا مەزن باغچەكي موحتەشەم هەيە، دناڤ ڤي باغچيدە قەصرەك هەيە، د گۆشەكي ڤي قەصرێدە بقاسي ئاڤگەرما وەيا بەيتوششەبابێ ئاڤگەرمەك هەيە﴾ خيالەن وها بفكرن ﴿هون ژي لدەرڤە ژبەر زۆرداينا سەرمايێ، ژبەر شددەتا بەرفو بايێ، بدلێ خوە يان ژي بێ دلێ خوە مەجبورن تێكەڤن هندڕێ ڤێ قەصرێ. بەس وە ديتيە يان ژي بهيستيە كو ددەريێ قەصرێدە دو كەسێن كۆر ئو د ناڤ حاوزدە ژي هنك زلامێن طازي هەنە﴾ هون ژي دتەئثيرا ڤێ ظەننێدە مانە ﴿د وەهما وەدە كو ئەڤدەر جيێ كۆرايە يان ژي جيێ طازيايە﴾ ژوەترێ كو دوردە ژكورو طازيا پێڤە كەس تونەيە ﴿دەما كو هون دكەڤن ور ژبۆ كو هون ژي ببن وەك وان هون ڕادبن جلێ طاعەتێ دەردخن ئو ژبۆ كو هون وان نەبينن هون ڕادبن عەقيدا خوە، ياني چاڤێ خوەي حەقيقەتێ دگرن﴾ ياني ژبۆ كو هون ژي ببن وەك فاسقان هون ئەمرو نەهيێ دينێ خوە داڤێژن ئاليكي ئو عيبادەتێ خوە دتەركينن، هون چاڤێ خوە ژكونەهێن وان دگرن، ژبەر كو هون حەقيقەتێ نزانن هون ژي يا وەك وان دبن گونەهكار يان ژي هون ژ گونەهێن وانڕە مەعزەرەتان دبينن.

 ﴿حال ئەوە؛ وانێ دهندڕێ قەصرێدە خوەديێ قەصرێنە، دوان ئۆدەيێن موحتەشەمدە چاڤێن وان ڤەكري ئو عەورەتێ وان ژي سەترانديە، بتەفەككور شێورێ دكن، ئو تەداويو خزمەتا وان كەسان دكن كو كۆرو طازينە دهنك گۆشاندە جڤيانە سەر هەڤ﴾ ژبۆ كو ڤان كەسان تێكەڤن دائيرا ئيسلامو قورئانێ ئو ژبۆ كو هيدايەت ببن ژوانڕە خزمەتێ دكن. تو ژي ژبەر كو وان بێ دين ظەن دكي ﴿بشەكلەكي وەحشي ئو ئەحمەق، چاڤ گرتي ئو عەورەتێ خوە بەڕا دەرڤە بدي ئو تێكەڤي ناڤ وان گەلۆ ئەحمەقيەك ئو زرارەك ژڤێ مەستر هەيە؟﴾ چما ئەم لپڕا نانەڕن ئو لهندكان دنەڕن؟ چما ئەم بقصورا هندكان تەڤا مەحكوم دكن؟ چما ئەم لئيصلاحكرنا وان هندكان ناشغولن؟ دبەدێلا كو ئەم دينداران زێدە بكن چما ئەم دائيرێ لخوە طەنك دكن

﴿بڕاستي كەسەكي كو ژنەسلا مسلمانان هاتبە عەقلو فكرا وي تەركا ئيسلامێ بكە ژي فطرەتا وي ئو ئوژدانێ وي تو جاري تەركا ئيسلامێ ناكن. ئەن ئەحمەقێ مە ئو ئەن گونەهكارێ مە ژي طەرەفدارێ سەددا ڕەسينا پشتگەها مە يە كو ئەو ژي دينێ ئيسلامێ يە. نە خاسم كەسێن كو هايدارێ تاريخا سياسەتا ئيسلامێنە بێتر گرێداي بئيسلامێ ڤەنە. ژدەورا سەعادەتێ حەتا ئيرۆ تو كتێبا تاريخێ ژمەڕە نابێژە كو مسلمانەكي بموحاكەما عەقلي يان ژي بدەليل تەرجيحا دينكي دن لسەر دينێ ئيسلامێ كريە﴾

﴿ئێ كو ژ دين دەرتێن هەنە، ئەڤ مەسەلەكي دنە، تو قيمەت ژ تەقليدێڕە تونەيە﴾ بێ فكركرن، بێ موحاكەمەكرن هنك كەس ژبۆ هنك مەنفيعەتان دبێژن ’ئەز ژ دين دەركەتم‘ ئەڤ تشكي ئيستيثنايە.

﴿حال ئەوە كو مەنسوبێن دينێن دن يێن باطل بمحاكەما خوەيێن عەقلي ئو بدەليلان ڕەف بڕەف داخلي دينێ ئيسلامێ بونە ئو هێژي داخل دبن. هەگەر ئيسلاما ڕاستي ئو ڕاستيو ئيستيقامەتا كو لايقي ئيسلامێيە ئەم كاربن نيشانبدن وێ ئينسان قەفلە بقەفلە تێكەڤن ئيسلامێ﴾

﴿ئو هەم ژي ديرۆك ژمەڕە دبێژە؛ مەدەنيبونا مسلمانان بقاسي پێكئانينا واني ئەمرو نەهيێن ئيسلاميە﴾ مسلمانان چقاس دينێ خوە مەشاندبن هەوقاسا بونە مەدەني، چقاسا ژدينێ خوە دوركەتبن هەوقاسا ژمەدەنيەتێ ژي دور كەتنە.

﴿ئو هەم ژي حەقيقەت ژمەڕە دبێژە؛ ئينسانێن هشيار كو زانە مەقصەدا حەياتێ چيە خوە بێ دين ناهێلە. نە خاسم ئێ كو هشيار بويە، ئينسانيەتێ ناسكريە، پاشەڕۆژ و ئەبەديەتێ دخوازە نە ممكنە كو بێ دين بمينە. چمكي ئينسانێ كو هشيار بويە لهەمبەر هجوما كائيناتێ ژ خوەڕە لپشتگەهەكێ دگەڕە ئو دخوازە خوەزيێن ويێن كو داوي ژوانڕە تونەيە وەرن جي ئو ژبۆ وان دەريكي ئاليكاريێ ببينە. ياني هەگەر دەندكا حەقيقەتێ كو دينێ حەقە ئو ئيسلاميەتە پەيدە نەكە نە ممكنە كو بژي﴾

﴿ژبەر ڤێ يەكێ بهەركەسيڕە مەيلا دينێ ئيسلامێ پەيدا بويە. ئەڤيا ژي ددە نيشاندان ئو ئيشارەتێن فطري هەنە كو دپێشدە دينێ فطري ژبۆ بەشەر وێ دينێ ئيسلامێبە﴾

﴿دە ئيژا ئەي گەلي بێ ئينصافان! حەقائقێ ئيسلاميە هەوقاس فرەيە كارە تەمامێ عالەمێ تێخە ناڤ خوە ئو ڕۆني بكە، ئيژا چەوا هون وێ طەنگ دكن ئو ژهنك كەسێن موتەعصصب تەنێڕە دهێلن ئو نيڤێ مەنسوبێن وێ داڤێژن دەرڤە؟﴾

﴿ئو هەم قەصرا نورانيا ئيسلاميەتێ بقاسي كو تەمامێ كەمالاتان تێخە ناڤ خوە ئو بقاسي كو حيسسياتێن عالي يێن تەمامێ نەوعێ بەشەر خوەدي بكە ماددەيان د خوەدە ئيحاطە دكە. هون بچ جەسارەتێ وەك چادرەكە ڕەش ئا كو شێنێ دكە ئو خاصێ بفەقير و  بەدەويايە ددن نيشاندان و تەخەييول دكن. بەلێ، هەر كەس تابعێ عەينكا خوەيە، عەينكا وي چەوا بدە نيشاندان ئەو ژي لوێ گۆرێ قەرار ددە. دێمەك عەينكا وەيا ڕەش و دەرەوين ژي وها ددە نيشاندان﴾

بنەزاني نە مسلمانتي تێ مەشاندن نە ژي دحەقێ جڤاكێدە مەرەڤ كارە بحەقي خەبەردە.

Di debarê nivîskar de

Têhev

27

Gotar

M. ‘Ebdussamed ‘Hilmî

  • سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن
  • HEVPEYVÎNA CIVAKA KURDAN BI SEYDAYÊ BEDÎUZZEMAN RE
  • بهەركەسيڕە مەيلا دينێ ئيسلامێ پەيدا بويە
  • NÛRA DILAN JÎ NERMÎYÛ MERHEMET E
  • هەڤپەيڤينا جڤاكا كوردان بسەيدايێ بَدِيعُ الزَّماَنْڕَه
  • Î’layê Kelîmetullah Bi Pêşveçûnê Ve Girêdayı Ye
  • ئيعلايێ كەليمەت الله بپێشڤەچونێڤە گرێداييە
  • ئەم هاي ژخوە نەمان ئو مە ڕيعايەتا تەدبيران نەكر
  • Di Dinya Me Ya Îro De Înqîlabek Dunyewî û ‘Ecêb Heye
  • ددونيا مە يا ئيرۆ دە ئينقيلابەك دونيەوي ئو عەجێب هەيە
  • Wekhevbûnî Ne Di Fedl û Şerefê de...
  • وەكهەڤبوني نە دفەضلو شەرەفێدەيە، دحقوقدەيە
  • Hurriyeta Me Wê Bibe Fecra Sadıq Ji Bo ‘Alema Îslamê
  • حوڕيەتا مە وێ ببە فەجرا صادق ژبۆ عمومێ عالەما ئيسلامێ
  • Hurriyeta Ğeyrîmusliman Şu’bek Ji Hurriyeta Me Ye
  • حوڕيەتا غەيري مسلمان شوعبەك ژ حوڕيەتا مەيە
  • HURRIYET; XUSÛSIYETA ÎMANÊ YE
  • حوڕيەت؛ خصوصيەتا ئيمانێيە
  • Hurriyeta Li Hember Însan...
  • ڕەچەتا كوردان
  • Rafiziyê Huriyetê Kolê Nefsê Ne
  • ڕافزيێ هەرتشتي هەنە ئێ حوڕيەتێ ژي كۆلێ نەفسێنە
  • Yan Xîlafeta Şer’î Yan Jî Îzmîhlala ‘Umûmî
  • يان خيلافەتا شەرعي يان ژي ئيزميحلالا عمومي
  • Em Li Şerî’etê Xwedî Derkevin...
  • ڕەچەتا كوردان
  • Hevpeyvîna civaka Kurda Bi Seydayê Bedî’uzzeman re
  • Ê Berê NÛRA DILAN JÎ NERMÎYÛ MERHEMET E
    Ê Li Pey HEVPEYVÎNA CIVAKA KURDAN BI SEYDAYÊ BEDÎUZZEMAN RE

    Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.