ئيعلايێ كەليمەت الله بپێشڤەچونێڤە گرێداييە

Article

 

بسم الله الرحمن الرحيم

س: - ﴿كەسێن غەيري موسلم بموسلمانانڕە عەسكەريێ بكن چەوا جائيز دبە﴾

ج: - ﴿بچار وەجهان جائيز دبە﴾

﴿ئا ئەول ئەڤە: عەسكەري كارێ شەڕو حەربێ يە. دۆ وەختا كو وە بوێ هرچێڕە حەرب دكر پيرەكا و قەرەچيا و زاڕۆكا و كوچكا ژي ئالي وەكر ما ژوەڕە بو عەيب و عار؟﴾ كەسێ غەيري موسلم كو د حەربێ دە ئاليكاريا وە بكە چ زرارا وێ هەيە؟

﴿ئا دديا: دناڤ موشركێن عەرەباندە ژبۆ پێغەمبەر عليه الصلاة والسلام هنك لهەڤكري هەبون، گۆتنا خوە بهەڤڕە كربون يەك ئو بهەڤڕە دچون حەربێ. ئيژا ڤانێ مە ئەهلێ كيتابن، دناڤ ئارتێشێدە ژي نە كۆمن، ژهەڤ قەتاندينە. ئەم ژي پڕن، ئەڤ پڕبونا مە وێ زرارا واني كو هون ژێ ترسن پێشيا وێ دگرە﴾ ياني هەگەر هون ژ زرارا وان دترسن يەك يەكێ كو ژهەڤ بلابويينە نكارن زرارێ بدن وە

﴿ئا سسيا: دناڤ دەولەتێن ئيسلامێ دە هندكبن ژي كەسێن غەيري مسلم دعەسكەريێدە هاتنە ئيستيخدامكرن. ددەولەتا عوثمانياندە ئۆجاغا يەنيچەريان شاهدێ ڤێيايە.﴾ ئۆجاغا يەنيچەريان د سالا 1362  ميلادي دە هات دامەزراندن. تەمامێ نەفەرێ وێ ژ زاڕۆكێ فلەهان ئێ كو عومرێ وان د ناڤبێنا دوازدە ئو بيستو ددوادە دهاتن نەقاندن، پەروەردەهيا عەسكەري ددان وان ئو وان هيني دينێ ئيسلامە دكرن. پشتي ڤێ پەروەردەهيێ وان دگرتن ئوجاغا عەجەميتيێ، ددوڕە ژي وان دگرتن ئۆجاغا يەنيچەريان. ددەولەتێن ئيسلامي يێن بەريا عوثمانياندە ژي ميثالێن ڤێ گلكن ئو ڤان دەولەتان تو زرار ژێ نەديتنە، فێدە ژێ ديتنە

س: - ﴿بەرێ موسلمان مالداربون، زەنگين بون، غەيري موسلم ژي فەقيربون. لێ ئانها ڕەوش تام عەكسێ وێ يە. حيكمەتێ ڤێ چيە؟﴾

ج: - ﴿ئەز دو سەبەبان زانم﴾

﴿سەبەبێ يەكەم: لَيْسَ لِلْاِنْسانِ اِلَّا مَا سَعٰى، ياني ژكەدا ئينسان پێڤە تشكي دن ژێڕە تونەيە. ئەڤ ئايەت دئينساندە مەيلا خەباتێ چێدكە. ئو اَلْكَاسِبْ حَبِيبُ اللّٰه، ياني كەسێ كو كەسبێ دكە، قەزەنجدكە حەسكريێ خودايە. ئەڤ حەديث ژي ئينسان تەشەويق دكە ببال كەسبێ ڤە. دە ئيژا بسەبەب هنك گۆتنان ئەڤ مەيل شكەست ئو ئەڤ عەشق طەفيا. چمكي هنك كەس ئو هنك واعظان فێم نەكرن كو ئيعلايێ كەليمەت الله بپێشڤەچونێڤە گرێداييە، بپێشڤەچونێ چێ دبە﴾ ئيعلايێ كەليمەت الله بذكرێ زمان تەنێ چێنابە، دهەر دەوريدە چ ئيمكان هەبن لازمە ژبۆ ئيعلايێ كەليمەت الله وەرن پێكئانين. بێ بپێشڤەچونا د تەكنۆلۆژيێدە ئيعلايێ كەليمەت الله چێنابە

ئو ديسا ڤان واعظێن نەزان ﴿ ژجيهەت دنيايێڤە قيمەتێ حەديثا كو دبێژە "دنيا مەزرەعا ئاخرەتێيە" فيم نەكرن، ئو زەرورەت و مەجبوريەتێن قەرنێ نێڤي ئو قەرنێ داوي ژهەڤ نەقەتاندن و فەرق نەكرن،﴾

 ﴿ئو (ديسا ڤان واعظێن نەزان) قەناعەتا د تەحصيلو كەسبێدە و قەناعەتا د مەحصول و ئوجرەتێدە ژهەڤ نەقەتاندن. حال ئەوە ئەڤ هەردو دوري هەڤن. قەناعەتا د تەحصيلو كەسبێدە خەرابە، نەقەنجە، هاتيە زەمكرن؛ لێ قەناعەتا د مەحصول و ئوجرەتێدە قەنجە و هاتيە مەدحكرن﴾ قەناعەتا د تەحصيلو كەسبێدە ناڤێ وێ كەسلانيە و تڕاليە تەمبەلتيە. كەسێ ناخوازن بخبتن ناڤێ تڕاليو كەسلانيا خوە داتينن قەناعەت، ڤيا خەرابە. لێ پشتي مەرەڤ خبتي، جەهدو غەيرەتكر ئو كەسلاني نەكر دنەتيجێدە مەحصولێ كو خودا كربە نەصيب مەرەڤ پێ ڕازيبە ڤيا قەناعەتە، ئەڤ ژي قەنجە.

﴿ئو (ديسا ڤان واعظێن نەزان) دوحەب تەوەككولێ كو حەتابحەتا ژهەڤدو دورن وان تڤلهەڤ كرن و كرن يەك. تەوەككولەك ژێ ناڤێ كەسلانيێيە، يەك ژي صەدەفا ئيخلاصا حەقيقيە. يەكژێ تەوەككولا كەسلانتيێ يە، ژبۆ كو ئيرادا خودا تەجەللي بكە لازمە ئەسباب وەرن جي، ئەڤ تەوەككولا كەسلانتيێ لهەمبەر نيظاما ئەسبابا عينادێ دكە، كەسلانيێ دكە ئو ئەسبابا ناينە جي. تەوەككولا دن ژي تەوەككولا موئمنتێ يە، ژبۆ بسەركەفتنێ ئو ستەندنا نەتيجێ تەسليمبونا ژ ئەسبابا ڕەيە ئو موداخەلەنەكرنا بوەظيفا ئيلاهيە. هنك كەسان ڤانا تەڤلهەڤ كرن، سڕێ گۆتنا "أمتي أمتي" بالا خوە نەدانێ ئو فێم نەكرن. حەديثا كو دبێژە "خَيْرُ النَّاسِ مَنْ يَنْفَعُ لنَّاس" ياني قەنجترێ ئيناسانا ئەوە ئێ كو مەنفيعەتا وي لئينسانا دبە، حيكمەتێ ڤێ حەديثێ فێم نەكرن. مەيلو شەوقا وێ كەدو خەباتێ شكاندن ئو تەفاندن﴾

﴿سەبەبێ ددويا: مە مەئمورتيا دەولەتێ ژ خوەڕە گەڕاند دەريێ مەعيشەتێ ئو مە بەلا خوە ديت. چمكي ئەڤ كاركي غەيري طەبيعيە ئو موساعدە ژ كەسلانيێ ڕە ئو غورورا مەرەڤ مز ددە.﴾ چەوا كو ئوستاد حەسەن ئەلبەننا ژي دبێژە.

س: - ﴿چەوا ياني﴾

ج: - ﴿چمكي ژبۆ مەعيشەتێ ريا مەشروع و طەبيعي و زندي صنعەتە ئو زيراعەتە ئو تيجارەتە. بمن، لسەر چ ناڤي دبە برا ببە، كەسێ كو مەئمورتيێ ژخوەڕە د گەڕينە دەريێ مەعيشەتێ ئەو كەس جاڕسە ئو عاجزە ئو پارسەكە، لێ بشەرطێ كو ڤيا ژ كەسێن حيلەباز بە. بمن كەسێ كو تێكەڤە كارێ مەئموريەتێ گەرەك ژبۆ خزمەتو حەميەتێ تێكەڤێ. كەسێ كو ژبۆ مەعيشەتو مەنفيعەتێ تێكەڤێ ئەوكەس قەرەچيتيێ دكە﴾ قەرەچي بێ كار و بێ تەعب دخوازن خوە تێر بكن، ژوانڕە نە خزمەت نە ژي مالداري موهممە

﴿دە ئيژا قسمەكي ژ مەئموريەتێ ئو عەسكەري ژي بتەمامي ژمەڕە بو. ژبۆ ڤێ، مە ثەروەتا خوە تەڤ ئيسراف كر ئو نەسلا خوە بەلا كر و ونداكرش﴾ تجارو صنعەتكار ژ مە دەرنەكەتن، ثەروەتا مە بڤي سەبەبي حەليا ئو ئينسانێ مە لچارئاليێ وەلات دريا مەئمورتێ ئو عەسكەريێدە بەلاوەلابون

﴿هەگەر بڤي هاواي دەوامكربونا ئەمێ ژي ژدەست چوبونان﴾

﴿ها دەئيژا عەسكەريتيا غەيري موسلمان ژبۆنا ڕۆژا ئيرۆ مەصلەحەتەكە نێزي زەرورەتێ يە. ئو هەم ژي ئەم ژڤيا ڕە مەجبورن. ئو ژخوە مەصلەحەتێن عورفي ژي د مەذهەبێ ئيمامێ مالكدە عللەتكي شەرعي تێن قەبولكرن﴾

س: - ﴿دڤي زەمانيدە ئەرمەني دبن قايمەقام و والي، ئەڤ چەوا چێدبە؟﴾

ج: - ﴿ئەرمەنيكي چەوا كو ماكينەڤانتيێ ئو چەوا كو مەلكەسڤانتێ دكە عەينەن بڤي هاوايي دبە كو واليتي ئو قايمەقامتيێ ژي بكە. چمكي دمەشروتيەتێدە ئێ حاكم مللەتە، حكومەت خزمەتكارە. هەگەر مەشروطيەت ڕاستبە وێ قايمەقام و والي نە رەئيسبن وێ خزمەتكارێ بئوجرەتبن. كەسێ غەيري موسلم نابە رەئيس، ئەو ئانجاخ دبە خزمەتكار. فەرزبكن كو مەئموريەت ژي ڕەئيستي ئو ئاغاتيە، دەما ئەم ژ غەيري موسلمان سێ هزاركەسان بكن شريكێ ئاغاتيو ڕەئيستيا خوە، دعالەمێدە وێ ژ سێصەد هەزار زلامێ مسلمانڕە ريا ڕەئيستيێ ڤەبە﴾ دعالەما ئيسلامێدە هەژمارا زلامێ غەيري مسلم كو سێ هەزاربە ئا مسلمانا سێصەد هەزارە، هەگەر سێ هەزار زلامێ غەري مسلم ببن شريكێ ڕەئستيامە ريا ڕەئستيێ ژسێصەد هەزار مسلمانيڕە ڤەدبە.

﴿ ئێ كو يەكي بدە ئو هەزاري قەزەنج بكە زرار ناكە﴾

Di debarê nivîskar de

Têhev

24

Gotar

M. ‘Ebdussamed ‘Hilmî

Ê Berê Li Gundê Me Kurdistan Bi Kulîlke
Ê Li Pey Î’layê Kelîmetullah Bi Pêşveçûnê Ve Girêdayı Ye

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.