Ji Hecra Dilbera Nazik

Article

 

Ji hecra dilbera nazik

Me pur efxan û nalîn e

Mureffeh qet nebûn carek

Bi wesla yarê şêrîn e

Di dil hilbû qewî narek

ji ber wî me qerar nîn e

 

Kesê ku dil mu’elleq bit

Bi damana dilawîzan

Çisan dê dil mureffeh bit

ji xwûnrîziyê xwûnrîzan

Peyapey dê muqedder bit

Ji hecra şekkeramîzan

 

Necat û raheta canî

Me can şabaşê canan e

Bi nisbet mahê tabanî

Ziyabexşê dil û can e

Ji me’yûsî û hirmanî

Me nalîn kahê keywan e

 

Belê bo dil heyîn rahet

Welê hirman û me’yusî

Li wan ev reng bûwê ‘adet

Di gel neyreng û salûsî

Bi ‘aşiq qet nezer nadet

Meger îlla bi casûsî

 

Qeba surxê ‘itirsayî

Li mehrûya şekerxende

Li canê bê dilê mayî

‘Eceb renc û ‘eceb derd e

Li pêş ber wî dilarayî

Qewî mehcûr û şermende

 

Seraser têk û têk nalîn

Dikit can û dil û dîde

Ji ber cewra wî dil bû xwîn

Çu şaxê bîdê lerzîde

Bi ev deib û bi ev ayîn

Dibî Fethî tu xemdîde

Di debarê nivîskar de

Têhev

1

Gotar

Mela Ebdulfettah HEZROYÎ

Ê Berê
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.