KURDISTAN

Article

Li herêmên çar welatan, cuda ye bi sînoran

Yek li Tirkî, yek li Sûrî, yek li Iraq û yek Îran

Lê dijîn ji berê de, gelê Kurd  bi sed hezaran

Rehdar in bi Sûmer û Babîl û Med û Asûran

 

Kevnar e, kokdar e war û welatê Kurdîstan

Li ser erda cîhanê,  cihek qedîm û şaristan

Seranser  li hemû dever, şûnwara  zanistan

Berhemên pir dîrokî, ji avaker û mamostan

          

Ava ye Kurdistan, bi gund û navçe û bajaran

Amed, Êlih, Riha û Semsûr, Bilîs, Mûş û Wan

Hewlêr û Kerkûk, Helepçe û Silêman û Soran

Amûdê, Hesekê,Mahabad,Hemedan û Bûkan

 

Kurdistan xweş e bi deşt û çiya, gelî û zozanan

Bi çem û kaniyan, bi daristan û newal û golan

Heyberên jîndar, candarên kûvî û cûrê ajalan

Bi xemla sosin û lalan, binewş û kulîlk û gulan

 

Ji sedî not li ser ola Îslamê, ev gelê musluman

Dîsa jî digel wan bi serbest jîn gelên nemusluman

Zaravayê wan, kurmancî, goranî, zazakî û soran

Lê çi heyf îro, ne serbest û perwer e ev ziman

        

Serxwebûna Kurdistan, buye wekî xewnê şevan

Dewlet mafê hemû gelan,lê ji me re eybek giran

Misilman be jî, heger bixwaze azadiya Kurdistan

Wek kiribe sûcekî giran, dibe pariyê devê guran

 

Navdar in hozan û wêjekar û zanyarê Kurdistan

Baba Tahirê Uryan, Elî Herîrî  û  Feqiyê Teyran

Melayê  Cizîra Botan, Ehmedê Xanî û Şerefxan

Melayê  Bateyî, Mewlana Xalid û Mîr Bedirxan

 

Hecî  Qadirê Koyî, Eliyê Findikî  û  Xewsê Hîzan

Bedîûzzeman,  Seîdê Pîran û Mizgînê Bêcirman

Wêje û helbest û roman, dîrok û çîrok û  sitran

Dîwan û Zembîlfiroş,  şerefname û Memê Alan

 

Rêveber û fermandar,  pêşdar û serokên Kurdan

Selaheddînê  Eyûbî,  fermandar û xwey xanedan

Qadî Muhemmed,  serokkomar şehîdê  Çarçıran

Mele Mistefayê Berzan,Huseynê Welî şêrê şêran

 

Ev pîr û bapîrê Kurdan, serok û rêberê misilman

Ji umeta pêxemberê dilovan, li pey şopa Qur’an

Hêvî  ji Rebbê  Rehman, bêxe biheştê hemûyan

Xwezî ew e ji neviyan, da ku jibîr nekin pêşiyan

                                                              

Hüseyin OLAM

 

Rehdar: Köklû                            Navdar: Ünlü,şanlı

Kevnar: Antik,eski                     Hozan: Bilge,

Kokdar: Kökenli                         Wêjekar: Edebiyatçı

Şaristan: Uygarlık                      Zanyar: Bilim adamı

Şûnwar: Tarihi yer                    Wêje: Edebiyat

Zanist: İlim,bilimci                    Serokkomar: Cumhurbaşkanı

Berhem: Eser                             Xweser: Bağımsız,egemen

Avaker: Kurucu,yapıcı               Serbixwe: Hür,özgür

Heyber: Varlık,nesne

Jîndar: Canlı

Candar: Hayvan,canlı

Ajal: Hayvan.sürü

 

Di debarê nivîskar de

Têhev

3

Gotar

Hüseyin OLAM

Ê Berê Qencî Ji Hin Kesa Re Dibe Xirabî
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.