Serkêşê Kurdanî Mela [1]

Article

Bo Kurdê bê rê û hejar herdem tu semyanî[2] Mela

Yanî ji bo yê bendewar teşbîhê sihwanî[3] Mela

 

Rojî li ‘esmanî welat serdarê karwanê xebat

Bo geştina mafê rewa[4] serkêşê Kurdanî Mela

 

Roja hewar heyheyê şêr bûy li meydana belek

Pêşî neyarê dev bixwîn dil rengê şêranî Mela

 

Ev lat û şax û daxê[5] Kurd tev deşt û gul û axê Kurd

Ew yek bi yek dengî diken şêrê li Barzanî Mela

 

Bo pehlewan û fêrisan serdefter û pêşahiyê

Elheq di nîva pêşewa[6] her dem tu nîşanî Mela

 

Zanim ji derdê ez ezê bê ser û jêkbûna gelî

Îro-l mezarê nemriyê[7] wek min bi êşanî Mela

 

Kevne xebata milletî bo me xuyakir ev yeke

Ku piştî vî derdê giran têtin peşîmanî Mela

 

Meyze dikem dor û rexa gel şûbtî lehya radibin

Êk peyv û êk dil lew li ser wan bûye erzanî mela

 

Îro neyara hê teva ceng e li ser Kurdîniyê

Daxwaz e ew xaka ji ber canê xu te danî Mela

 

Çaxe gelê Kurdê çeleng em tev bibin yek dest û deng

Êketî[8] dermanê me ye ne ku perîşanî.. Mela

 

Ev çende mah û çende sal rencberye Kurdê bê heval

Bê hûş dikir vîna welat wek şêxê rûhanî Mela

 

Heyf e birîndar tim dibê em kirmê[9] dara xo bibin

Ba[10] tev bizan in em yek în ta çerxê gerdanî Mela



[1] Bi munasebeta salvegera wefata Mela Mistefa Barzanî em vê şi’rê îthaf dikin –Kelhaamed-

 

[2] Semyan: Sermiyan                                                                

[3] Sihwan: Sîwan

[4] Mafê rewa: Heqê meşrû’ (Meşru hak)

[5] Dax: Çiya

[6] Pêşewa: Pêşkêş (lider)

[7] Mezarê nemriyê: (Ölümsüz mezar)

[8] Êkîtî: Yekîtî

[9] Kirm: Kurm (Kurt)

[10] Ba (tev bizan in): Bira tev bizanin (Hepsi bilsin ki). Em yek în: Em yek in (Biriz)

Di debarê nivîskar de

Têhev

1

Gotar

Tehsîn Îbrahîm DOSKÎ

Ê Berê
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.