ددونيا مە يا ئيرۆ دە ئينقيلابەك دونيەوي ئو عەجێب هەيە

Article

 

هەڤپەيڤينا جڤاكا كوردان بسەيدايێ بَدِيعُ الزَّماَنْڕَه: ڕەچەتا كوردان

بسم الله الرحمن الرحيم

س: - ﴿دقوڕئانێدە نەهي هاتيە كرن ژ حەسكرنا يەهودي ئو نەصارا (ياني جهو ئو فللە): لاَتَتَّخِذُوا الْيَهُودَ وَالنَّصَارَى أَوْلِيَاء (ياني جهو ئو فللەهان ژ خوەڕە نەكن هەڤال). تەڤي ڤي قاسي تو چەوا دبێژي بوانڕە ببن دوست؟﴾

ج: - ﴿ئەووەلا: دەليل هەم مەتنێ وێ هەم ژي دەلالەتا وێ گەرەك قەطعي بن،﴾

هەگەر هەم مەتنێ ئايەتێ هەم ژي دەلالەتا وێ قەطعي بە وێ چاخێ حوكوم ژي دبە قەطعي. دڤێ ئايەتێدە مەتنێ دەليلێ ژبەر كو ئايەتە قەطعي يە. لێ دەلالەتا وێ نە قەطعي يە ﴿ئيحتيمالا تەئويلێ هەيە، چمكي دڤێدەرێدە نەهيا قوڕئانێ نە عموميە، موطلەقە﴾ ياني ئايەت نابێژە؛ "تەمامێ جهو ئو فللەيان ژ خوەڕە نەكن دوست"، لەفظێ "تەمامان" تونەيە.

مادەم قەيدەك بڤي شەكلي تونەيە ئەو چاخ ئايەت موطلەقە. ﴿جوملێ موطلەق ژي مەرەڤ كارە لسەر تشكي موعەييەن مەعنە بكە. زەمان موفەسسيرەكي مەزنە، كو قەيدێن خوە دەرخە هولێ ئيحتيراز لێ نايێ كرن﴾

ژ دەما كو ئەڤ ئايەت نازلبويە ئو حەتا نها ئەڤ زەمانێ كو دەرباس بويە، دبە تەفسيرا ئايەتێ، كرنێ پێغەمبەر صلى الله عليه وسلم و صەحابيو عالمان مەعنا ئايەتێ بمە ددن زانين ئو دەليلن ژبۆ ڤێ تەفسيرا مە ڕە.

﴿ئو هەم ئەڤژي هەيە: كو حوكوم لسەر كەليمام موشتەق هاتبە، كەليما كو ئيشتيقاق ژێ چێبويە دبە عللەتێ حوكمێ﴾

دڤردە حوكوم كو دبێژە "وان  نەكن دۆست" لسەر كەليما "يهود" ئو "نەصارى" هاتيە ئاڤاكرن.

﴿دێمەك نەهيا كو دبێژە يەهودي ئو نەصارا نەكن دۆست و هەڤال، بحەسەب دين و عيبادەتێ وانە﴾

ژ جيهەت عەقيدا واني باطل ئو عيبادەتێ وان حەسكرنا ژوانڕە هاتيە قەدەغەكرن، نە ژبەر تشكي دن. د زەمانێ بەرێ دە خەليفە ئو عالمێن مە فللە ئو جهويان ئانينە، بوان عەمەليتي كرنە، قيزێن وان لموسلمانا نيكاح كرنە. بەس عەوام ڤيا بڤێ بەيانێ نزانە، لێ زەمان نيشاني هەر كەسي دا.

﴿هەم ئەڤ ژي هەيە: ئينسان نە ژبەر زاتێ خوە تێ حەسكرن، ژبەر صيفەتێ خوە تێ حەسكرن﴾

دەما تو ژ كەسەكي كافر حەسبكي ژبەر بير و باوەريا وي تو ژي دبي كافر (نەعوذ بالله). لێ ژبەر وەصفێ وي ئو صنعەتێ وي تو ژێ حەسبكي جائزە.

﴿ئەوچاخ هەر كەسێ مسلمان نە لازمە كو هەر وەصفێ وي ژي مسلمانبە. هەر وها، هەر كەسێ كافر ژي نە لازمە كو هەر وەصفێ وي ژي كافربە﴾

كەسێ مسلمان جارنا كارێ وي موخالفي ئيسلامێيە. كەسێ كافر ژي عەقيدا وي كوفرە، بەس صنعەتێ وي ئو هنك مەعمەلێ وي نە كوفرن.

﴿ئەو چاخ وەصفەكي يان ژي صنعەتەكي كو مسلمانبە مەرەڤ وي قەنج ببينە ئو هلبگرە چما وێ نە جائيز بە؟ ژ ئەهلێ كيتاب كو ژنك تە هەبە هەلبەت تويێ ژێ حەسبكي﴾ نە ژبەر كو ئەهلێ كيتابە، ژبەر كو صنعەتەك ئيلاهيە ئو ژنا تەيە ژجيهەت پيرەكانتيێ تو مەجبور ژێ حەس بكي

﴿ئا دديا: ددەورا سەعادەتێ دە ئينقيلابەك مەزني ديني چێبو. ڤێ ئينقيلابێ بەرێ هەركەسي دا نوقطەيا ديني، زيهنا هەركەسي بدينڤە مەشغولكر. تەمامێ حەسكرنو عەداوەتێ دمەسەلا ديندە جڤيا. حەسكرن ژي ژبۆ دينبو دژمنانتي ژي. ژبەر ڤێ، ژ حەسكرنا غەيري مسلمان بێهنا نيفاقێ دهات﴾

دحەسكرنا ژئاليێ دنيايێ ڤە وێ دەمێ ژي هەبو. فەقەط ژ صەحابانڕە دەردەكي دنيەوي تونەبو، حەسكرنا وان ژي عەداوەتا وان ژي ژبۆ خودێ بو. صەحابە ژبۆ دنيايێ نێزي ئەهلێ كيتاب نەدبون. صنعەتێ دنيەوي ژي دنەظەرا واندە بێ قيمەت بون. صەحابا ژي زانبو موناسەبەتا بئەهلێ كيتابڕە ژجيهەت صنعەتڤە جائيزە. لێ وێ دەمێ بسەب كو تەمامێ مەعمەلا لگۆرا دين دهات حەسباندن نێزيكبونا ببال وانڤە بێهنا نيفاقێ ژێ دهات

 ﴿بەس ددونيا مە يا ئيرۆ دە ئينقيلابەك دونيەوي ئو عەجێب هەيە. ئا كو تەامێ زهنا زەفت كريە ئو تەمامێ عەقلا مەشغول دكە نوقطەيا مەدەنيەتێ يە ئو دونيايە. ژخوە پڕێ يەهودي ئو نەصارا (ياني فللە ئو جهو) نە گرێدايێ بدينێ خوەڤەنە. ژبەر ڤێ، كو ئەم ئيرۆ بوانڕە ببن دوست ئەمێ مەدەنيەتو تەرەققيا وان بگرن ئو ئەو ئاسايشا كو ئەساسێ دلڕحەتيا دنيايێ يە وێ وەرە موحافەظەكرن﴾

﴿ها! ڤێ دۆستاني ئو هەڤالتيا بڤي شەكلي، قەطعيەن دنەهيا قوڕئانێ دە تونەيە.﴾

س: - ﴿هنك ژۆنترك دبێژن ژ فللەيانڕە نەبێژن "هەي كافر" چمكي ئەهلێ كيتابن. ئێ كو كافربە چما ئەمێ ژوانڕە نەبێژن كافر؟﴾

ج: - ﴿چەوا ژ زلامكي كۆر ڕە هون نابێژن "هەي كۆرۆ" ئەڤ ژي وەك وێ يە. چمكي دڤێ گوتنێ دە ئەزيەت هەيە. ژ ئەزيەتا زمميان ژي (دحەديثێ دە) نەهي هاتيەكرن﴾ حەديث دبێژە: "كي لزمميكي ئەزيەتێ بكە ئەز خەصمێ وي مە." 

﴿ئا دديان ژي: ژ كەليما كافر ڕە دو مەعنە هەنە: يەك ژي، ئا كو دەرحال تێ بەر زيهنا مەرەڤ، كەسێ بێ دين و ئينكارا خوەدايێ خالقێ كائيناتێ دكە. بڤێ مەعنێ حەقێ مە تونەيە كو ئەم ژ فللە ئو جهويانڕە بێژن كافر﴾

﴿مەعنا دديا: كەسێ كو ئينكارا پێغەمبەرێ مە  ئو دينێ ئيسلامێ دكە ژێڕە تێ گۆتن كافر. بڤێ مەعنێ ئەم كارن ژ ئەهلێ كيتابڕە بێژن كافر. فەقەط د عورفێ دە كەليما كافر بمەعنا ئينكارا خوەدا تێ بكارئانين ئو كەليما تەحقيرێ يە، پێ ئەزيەت چێ دبە﴾

﴿ئيدي نە لازمە كو ئەم سەحا ئيعتيقاد و سەحا عەمەل تەڤليهەڤ بكن.﴾

ژ ئالي ئيعتيقادێ ڤە ئەهلێ كيتاب كافرن، بس ژ ئالي عەمەل ڤە نە وەك كافرێ دنن. مسلمان كارن خوارنێ وان بخون ئو بقيزێ وانڕە بزەوجن. ژڤێ هێلێ ڤە مەعمەلا كافران بوانڕە نايێ كرن.

Di debarê nivîskar de

Têhev

18

Gotar

M. ‘Ebdussamed ‘Hilmî

Ê Berê Wekhevbûnî Ne Di Fedl û Şerefê de...
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.