YA MÛHEMMED MÛSTEFA

Article

 

Bi hubba te meftun in
Ji eşqa te mecnun in
Canfîdanê memnûn in
Boy Mûhemmed Mûstefa

Hezkirna te nefes e
Azadîya j-qefes e
Şahîw cejna her nefs e
Ya Mûhemmed Mûstefa

Evîna te kete dil
Barê giran ket ser mil
Ji hubba te çav bû şil
Ya Mûhemmed Mûstefa

Sunneta te mekteb e
Nûr û zikr û edeb e
Hezkirna te j-kezzeb e
Ya Mûhemmed mûstefa

Tu şêrîn û delal î
Mehbûbê Zulcelal î
Xwedyê şer’a delal î
Ya Mûhemmed Mûstefa

Nûra te çi pîroz e
Me de’wa te kir doz e
Cejn û bihar newroz e
Ya Mûhemmed Mûstefa

Tu mehbûbê Rehman î
Wehya delal te anî
Me l-ser serê xwe danî
Ya Mûhemmed Mûstefa

Rihan nêrgiz şîn bûne
Gul û sosin beybûn e
Ji eşqa te vebûne
Ya Mûhemmed Mûstefa

Dermanê derd û keder
Bîna misk û gul’ember
Axa nigê pêxember
Nûr Mûhemmed Mûstefa

Ji çavê kul zingarek
Cîla bikra yek carek
B-axa nigê mubarek
Nûr Mûhemmed Mûstefa

Wê şîfaba çavê kul
Wê biba melhem û kil
Derman bikra dağa dil
Ya Mûhemmed Mûstefa

Salih nexweş birîndar
Eşqa dilêm nabe sar
Ancax bibim bextewar
Bi Mûhemmed Mûstefa

Di debarê nivîskar de

Têhev

9

Gotar

Mela Salih Mısqeynterî

Ê Berê HUSEYNÊM
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.