MEWLÛDA PÎROZ

Article

 

Ey ummeta musluman, mizgîn ji te re!

Nûra Mûhemmed daye, vaye-l her dere

Bi şikr û hemd û selat, bi civin li hev

Mewlûda Mûhemmed e, ‘îd e ji me re

 

Hezar selat û selam, li te Mûhemmed

Em bi te ronî-w şad in, hetanî ebed

 

Ji nêz û dûr gund û war, bajar û bajar

Bi gir û hûr, qîz û law, hatin-j her dîyar

Eşqa te em dane hev, temam evîndar

Li meydana ‘eşqa xwe-m, dikin eşkere

 

Doz û âlâ te-y pîroz, me hildaye jor

Bi navê te xemilîn, welat hawîrdor

Tije dikin meydana, em bi dor bi dor

Xweş roj e mewlûda te, cejn û hizûre

 

Bi deng û awazê xweş, wekî bilbila

Selewat û tekbîra, didin ji dila

Hezar hezar evîndar, mil dane mila

Li piyane ji bo te, tev bi hevdû re 

 

Erd û ‘ezman bûne yek, insan û melek

L-dor cemala te-y bi nûr, tev bûne xelek

Tev bi hevre dibêjin, selatan gelek

Ji ser cihanê îro, lew nûr difûre

 

M. Mutefayê Mela ‘Elîyê Êzdarî

Di debarê nivîskar de

Têhev

12

Gotar

M. Mustefa’yê Mela ʿElîyê Êzdarî

Ê Berê NESLA NÛ
Ê Li Pey EM IN ÇARE JI BONA XWE

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.