XWÎNA YASÎNA

Article

Şeş û heftê Cotmehê
Li welatê Kurdistan
Pêlê kufrê wek lehê
Her der kire goristan

Li meşrîqa Anadol
Ji vir heta Stenbol
Wek gurê har mar û mol
Wêran kirin Kurdistan

Rêya sûk û bazara
Rêya gund û bajara
Li me girtin çend cara
Rêya mal û dibistan

Ev çi kîn û ğezzebe
We ne dîn û mezhebe
Nefreta we j-kezzebe
We wêran kir Kurdistan

Kurdistana wek behişt
We tiştê baş lê nehişt
Ji zulma we bûye mişt
Seranserê Kurdistan

Bi dev dibên wekhevî
Mafê însan mirovî
Karê we tevlîhevî
Li her alyê Kurdistan

Kurd kirin wek pepûka
Pîrek zilam biçûka
Agir berdane sûka 
Şewitandin Kurdistan

Dewletê wan xwedî kir
Tiştê kesî nedî kir
Çetê zulmê kedî kir
Wêran kirin Kurdistan

Em ketine çi halî
Gund û bajar dinalî
Ne qaymaqam ne walî
Wêran bûye Kurdistan

Ew tim xwînê dirêjin
Wek şevşevok dimêjin
Lê b-derewa dibêjin
Emin xwedyê bindestan

Li ser xwîna mezlûma
Bûne wek kund û bûma
Bela dikin ‘ulûma
Bi derewa l-Kurdistan

Ey mehrûmên bêlimêj
Dest û ziman biqirêj
Wê ev dîrok her bibêj
Zulma weya l-Kurdistan

Dixapînin ehmeqa
Didin kolan xendeqa
Wan da’f didin ser tenqa
Didin kuştin bindestan

Sosyalîzma gemmarî
Fikr û olê pir tarî
Qebûl nakin tu carî
Muslumanê Kurdistan

Ğeynî Qur’an tu denga
Qebûl nakin tu renga
Em davêjin bin linga
Fikra her pûtperestan

Şerîeta Îslamê
Pir şefafe wek camê
Temam rabin qiyamê
Ji bo were gulîstan

Wehya Xwedê zulcelal
Şerîeta pir delal
Wek neynik saf û zelal
Ew ji mere gulîstan

Wek rehmeta biharî
Ya Reb serme bibarî
Rehmeta xwe her carî
Em pê bighên gulîstan

Xortê hêjaw nazenîn
Selam li ser we Yasîn
Xwîna we bûye mizgîn
Ji mer bîne gulîstan

Bi hinceta Kobanê
Çete ketin meydanê
Qatê çara ji banê
Wî avêtin zordestan

Wê xwîna wan roj bi roj
Ji muminar bibe moj
Li xayîna bibe doj
Li wan bike tarîstan

Di debarê nivîskar de

Têhev

7

Gotar

Mela Salih Mısqeynterî

Ê Berê ŞEREF Û ‘IZZET -2
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.