حوڕيەتا غەيري مسلمان شوعبەك ژ حوڕيەتا مەيە

Article

 

هەڤپەيڤينا جڤاكا كوردان بسەيدايێ بَدِيعُ الزَّماَنْڕَه: ڕەچەتا كوردان -٢٢

بسم الله الرحمن الرحيم

س: ﴿ئەم قەبول بكن كو حورريەت باشە ئو خوەشە، فقط حورريەت ژبۆ ڤان ئەرمەنيان تشكي نەقەنج خويادكە، ئەڤيا مە دقەلقينە، تو چ دبێژي؟﴾

ج: ﴿ژ ئەولڤە ئەم ڤيا بێژن؛ حورريەتا وان ئەڤە كو ئەم لوان ظولمێ نەكن، ظولومنەكرنا لوان ژي ئەوە كو ئەم وان ڕحەت بهێلن، ئەڤژي تشكي شەرعيە﴾ شەريعەتێ ئيزن نەدايە كو مەرەڤ ظولمێ لزميا بكە، چمكي دحەديثێدە مەئالا وها دبێژە: "كي لزمكي ئەزيەتێ بكە ئو تەجاوزي حەقێ وي بكە ئەز خصمێ ويمە، ئەز خەصمێ كي بم ژي د قيامەتێدە ئەز دەعوەدارێ ويمە"       

﴿سەبەبێ كو ئەرمەني ژڤيا زێدەتر حورريەتێ دخوازن ئەو ژي تەجاوزا وانە لهەمبەر نە قەنجيا وە ئو دينيتيا وە. ياني ئەرمەني دڤردە ژجاهلتيا وە ئيستيفادە دكن﴾ ياني دمەسەلا ئەرمەنياندە هون ژ سينۆرێ شەريعەتێ دەركەتن، يا وە زێدە لوان ظولمكر يان ژي وە زێدە وان سەربەست بەردا، وان ژي ڕابو دەعوا حەقێ زێدەتر كر.

﴿ئا ددوا؛ ئەم فەرز بكن وەك هاوێ كو هون دبێژن حوڕيەت ژبۆ ئەرمەنيان تشكي نە قەنجبە، فقط ديسا ئەم ئەهلێ ئيسلامێ بداينا ڤێ حوڕيەتێ ناخسرن. چمكي ئەرمەنيێن دناڤ مە دە هەژمارا وان سێ مليۆن تونەيە، هەژمارا تەمامێ غەيري مسلمان ژي تەڤدە دەه مليۆن تونەيە. حال ئەوە هەژمارا ملەتێ مەيێ مسلمان ئو برايێن مەيێن ئەبەدي ژسێصەد مليۆني زێدەترە، ئو ديسا ژي ئەم بسێ قەيدان هاتنە گرێدانو دبن ئەسارەتا ظولما مەعنەوي يا ئەجنەبياندە دعجقن﴾

﴿ها دە ئيژا ئەو حوڕيەتا غەيري مسلمان شوعبەك ژ حوڕيەتا مەيە ئو ژبۆ حوڕيەتا مسلمانێ تەمامێ دنيايێ كو دبن ظولما ئەجنەبياندەنە وەك هاوێ ڕشوەتێيە﴾ مسلمانێن كو ئەرضێ وان كەتيە دەستێ ئەجنەبيان ژبۆ كو كاربن مسلمانتيا خوە بمەشينن دەولەتا عثماني حەقني زێدە دا ئەجنەبيان كو شەريعەتێ وان حەقن نەدايە.

﴿ئەو حقێ كو ئيرۆ ئەم ددن ئەرمەنيان ژبۆ دەفعا ئيستيبدادەكە مەعنەوي يا بدەهشەتە لسەر مسلمانان، ئو كليتا وان قەيدێن مەعنەوينە كو مسلمانان پێڤە گرێدانە، ئو ژبۆ ڕاكرينا وێ ئيستيبدادا مەعنەوي يا كو ئەجنەبيان دانە سەر ملێ مە﴾

﴿بەلێ، دەما دەولەتا عوثماني حوڕ بە ئو حوڕ بمينە وێ طالعێ تەمامێ دەولەتێن ئيسلاميێ يێن ئاسيا ڤەبە. ئەڤ حوڕيەت وەك تەمەلێ سورا ئيتتيحادا ئيسلامێ يە﴾ وێ دەمێ عالەما ئيسلامێ كەتبو پەريشانيەكێ كو مەرەڤ ژعەقيبەتا وێ ددترسيا، گەلەك وەلاتێن ئيسلاميێ كەتبون دەستێ كوففاران، مەركەزا خيلافەتێ لبەر هەلوەشاندنێ بو، ژبۆ كو دەولەت خوە ژ تەزييقا ئەجنەبيان خەلاصكە ئو حوڕ ببە حوڕيەتەك زێدە ددا ئەرمەنيێن ناڤخوە

س: ﴿ئەو سێ قەيد چنە كو تو دبێژي عالەما ئيسلامي بئيستيبدادەكە مەعنەوي بوانڤە هاتيە گرێدان؟﴾

ج: ﴿مەثەلا ئيستيبدادا حكومەتا ڕوس قەيدەكە، وان مسلمانێ كو خستيە بن حوكمێ خوە ظولمێ لوان دكە. تەحەككوما ملتێ ڕوس ژي قەيدەكە، تەعدە و زۆردەستيێ لمسلمانێن ناڤ خوە دكن. عادەتێ كوفرێ ئو ظالمتيێ كو لسەر عادەتێن ئيمانێ غالب دەركەتنە ئەو ژي قەيدا سسيايە﴾ ژبۆ كو مسلمان ڕحەت ببن لازمە كو ڤان هەر سێ قەيدان ڤەبن. سەبەبێ كو ئەرمەنييێن ناڤ دەولەتا عوثماني زێدە سەربەستي هاتيە داين ژوانڕە ئەڤ هەر سێ قەيدێ ڕوسن

 ﴿حكومەتا ئينگليز ژي هەر چقاس دظاهردە نه ظالم خويا دكە ژي مللەت كي زۆردەستە. حەتا بعادەتێن وان ژي تەڤ زۆردەستي ئو ظولمن﴾ دعدەتێن وان يێن كوفريدە هەيە جارنا بزۆرێ جارنا ژي بدەسيسان ظولما كو كەس نكارە بكە ئەو دكن ﴿ها ڤايە هندستان، ژظولما ئينگليزانڕە دەليلەكە؛ ها ڤايە مصر، ژظولمان ئينگليزانڕە نيڤ دەليلە.﴾

﴿ئيدي ملەتێ مسلمان يان بسێ قەيدان گرێدايە، چەوا كو بڕوسڤە گرێدايە؛ يان ژي بقەيدو نيڤێ گرێدايە، چەوا كو بئينگليزانڤە گرێداييە﴾ دتاريخێدە بێتر ڤان هەردو ملەتان لمسلمانان ظولم كرنە، ئەمەريكا ژي ژخوە ئيتگليزە ﴿لهەمرەر ظولما ڤان ملەتان دنگێ غەيري مسلماندە قەيدك مە بتەنێ هەبو﴾ ياني نكاربون ببن عەسكەر ئو مەئمورێن دەولەتێ

﴿دبەدێلا وێدە مە گەلەك نازێ وان كشاند، دبەدێلا عەسكەريو مەئمورتيێدە گرانيا خوە دان سەر تيجارەتو زيراعەتێ، هەم نەسلا وان هەم ژي سەروەتا وان زێدەبو. مە ژي بمەئمورتيو عەسكەريێ وەك هاوێ ژوانڕە خزمەتكاري كر. ئيژا ئێمە ژبەر كو تيجارەتو زيراعەتێن مە تونەبون سەروەتا مە چێنەبو، خۆرتێن مە ژي دحەرباندە چون نەسلا مە ژي چێنەبو.﴾

﴿ئێمن ئەز دبێژم ئەرمەني ژبەرێڤە حوڕبون، چمكي فكرا مليەتێ باڤێ حوڕيەتێيە﴾ فكرا مليەتێ ژبەرێڤە دئەرمەنياندە لپێشبو، ددينێ خوي مەسيحيتيێدە موتەعصببون ئو تو كەسي بەلا خوە دوانژي نەددا ﴿يێن هێسير ديسا كوردو تركبون. ئيژا ڤا وێ قەيدا دەرەوين ئەم  ژنگێ سێ مليۆنا يان ژي دەه مليۆنا ڤەدكن، ئيدي ئەرمەني وێ كاربن ببن  عەسكەرو مەئمور، سرف ژبۆ كو ژ سێصەد مليۆن عالەما ئيسلامێڕە مەيدانا حوڕيەتێ ڤەبە. ئێ هەلبەت  كەسێ كو سسيا پێشي بدە ئو سێصەدي بدەين بستينە ئەو كەس نا خسرە﴾

﴿ئينشاءاللە دينێ ئسلامێ بدەستێ خوەيێ ڕاستێ وێ ڕاهێژە شورێ حوججەتێ ئێ طوژي هندي، ئو بئێ چەپێ ژي وێ بهەفسارێ كو ژ حوڕيەتێ هاتيە چێكرن ئێ هەسپا عەرەبي ئا كو دبدرقينە بگرە، ئو وێ ئيستيبدادا كو باخچەيێنمە خەراكريەو عجقانديە سەرێ وێ فەلق بكە ئو بتۆپز لێخە﴾

ڤيا مزگينيا ظەفەرا ئيسلامێ يە. هندستانو هەرێما دەرودۆرا وێ بفكرو ڕەوشەنبيريێ وێ دەركەڤە پێش، عالەما عەرەبي ژي وێ بحازريێن عەسكەريو ئيداري دەركەڤە پێش، هەردو پێشڤەچوين وێ دەست بدن هەڤ، دقطعەيا ئاسيا مەنبەعا ئيسلامێدە بڤي هاواي وێ ڕەوشەنبيري ئو قووەت ببن يەك ئو ژناڤ عالەما ئيسلامێ وێ ظولما ئينگليز و ڕوس بقلعە

Di debarê nivîskar de

Têhev

27

Gotar

M. ‘Ebdussamed ‘Hilmî

  • سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن
  • HEVPEYVÎNA CIVAKA KURDAN BI SEYDAYÊ BEDÎUZZEMAN RE
  • بهەركەسيڕە مەيلا دينێ ئيسلامێ پەيدا بويە
  • NÛRA DILAN JÎ NERMÎYÛ MERHEMET E
  • هەڤپەيڤينا جڤاكا كوردان بسەيدايێ بَدِيعُ الزَّماَنْڕَه
  • Î’layê Kelîmetullah Bi Pêşveçûnê Ve Girêdayı Ye
  • ئيعلايێ كەليمەت الله بپێشڤەچونێڤە گرێداييە
  • ئەم هاي ژخوە نەمان ئو مە ڕيعايەتا تەدبيران نەكر
  • Di Dinya Me Ya Îro De Înqîlabek Dunyewî û ‘Ecêb Heye
  • ددونيا مە يا ئيرۆ دە ئينقيلابەك دونيەوي ئو عەجێب هەيە
  • Wekhevbûnî Ne Di Fedl û Şerefê de...
  • وەكهەڤبوني نە دفەضلو شەرەفێدەيە، دحقوقدەيە
  • Hurriyeta Me Wê Bibe Fecra Sadıq Ji Bo ‘Alema Îslamê
  • حوڕيەتا مە وێ ببە فەجرا صادق ژبۆ عمومێ عالەما ئيسلامێ
  • Hurriyeta Ğeyrîmusliman Şu’bek Ji Hurriyeta Me Ye
  • حوڕيەتا غەيري مسلمان شوعبەك ژ حوڕيەتا مەيە
  • HURRIYET; XUSÛSIYETA ÎMANÊ YE
  • حوڕيەت؛ خصوصيەتا ئيمانێيە
  • Hurriyeta Li Hember Însan...
  • ڕەچەتا كوردان
  • Rafiziyê Huriyetê Kolê Nefsê Ne
  • ڕافزيێ هەرتشتي هەنە ئێ حوڕيەتێ ژي كۆلێ نەفسێنە
  • Yan Xîlafeta Şer’î Yan Jî Îzmîhlala ‘Umûmî
  • يان خيلافەتا شەرعي يان ژي ئيزميحلالا عمومي
  • Em Li Şerî’etê Xwedî Derkevin...
  • ڕەچەتا كوردان
  • Hevpeyvîna civaka Kurda Bi Seydayê Bedî’uzzeman re
  • Ê Berê HURRIYET; XUSÛSIYETA ÎMANÊ YE
    Ê Li Pey Hurriyeta Ğeyrîmusliman Şu’bek Ji Hurriyeta Me Ye

    Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.