حوڕيەت؛ خصوصيەتا ئيمانێيە

Article

هەڤپەيڤينا جڤاكا كوردان بسەيدايێ بَدِيعُ الزَّماَنْڕَه: ڕەچەتا كوردان -٢۱

بسم الله الرحمن الرحيم

س:- ﴿چەوا حوڕيەت خصوصيەتا ئيمانێيە؟﴾ هنك كەس هەنە حوڕيەتێ خصوصيەتا عصيانێ ئو ضلالەتێ دبينن، تو چەوا كاري وها بێژي؟ ئەڤ گۆتنا تە نە گونەهكاريە؟

ج:- ﴿چمكي كەسێ كو بئيمانێ خوە بسولطانێ كائيناتێڤە گرێ بدە تەنەززولي زەليلتيێ ناكە، عززەتو جەسارەتا وي زلامي ناهێلە كو خوديێ وێ تێكەڤە بن ظولمو تەعدەيا كەسكي دن، ئو شەفقەتا ئيمانا وي ژي نا هێلە كو ئەو زلام دەستدرێژيا حوڕيەتو حقوقێ كەسي دن بكە﴾

ئەهلێ ئيمانێ بسبب كو خوە بخوديێ كائيناتێڤە گرێ ددن خودي جەسارەتن، لهەمبەر تو كەسي خوە زەليل ناكن ئو ستوێ خوە خوار ناكن. ئو بسەبەب ئەو خوەدايێ كو ئيمان پێ ئانينە رحمن و رحيمە ئەو ژي بڕەحمو شەفقەتن، نەحەقيێ لكەسي ناكن ئو دەستدرێژيا حەقو حوڕيەتا كەسي ناكن. خوەدا تەعالا د قوڕئانێدە وها بەحسا ئەهلێ ئيمانێ دكە:

"محمد ڕەسولێ خوەدايە، ئەو كەسێن پێڕە ژي لهەمبەر كافران بشددەت، دناڤ خوەدە ژي بڕەحمن" سورەتێ فەتح، ئايەت: 29

"لهەمبەر موئمنان شكەستي ئو ستو خوار، لهەمبەر كافران ژي بعزەتو سەر بلندن" سورەتێ مائدة، ئايەت: 54

﴿بەلێ، غلامكي صادق يێ پاديشاهكي خوە ژ شڤانكيڕە نا طەوينە﴾ چمكي غولام بپاديشاهڤە گرێداييە ئو بسەەربلندايا وي سەربلندە.

﴿ئو وي غولامێ صادق لخوە داناينە كو ظولمو تەحەككومێ بكە ژي لكەسەكي بێچارە. ياني چقاس ئيمان موكەممەل بە حوڕيەت ژي هەوقاس خوەش و قەدربها دبە. ها ڤايە عەصرا سەعادەتێ!..﴾

ئينسان لگۆري دەرەجا ئيمانا خوە دبن عەبد ژخوەداڕە ئو ديسا لگورا دەرەجا ئيمانا خوە لهەمبەر مەخلوقاتان سەربلندو ئازاد دبن. ميثالا ڤيا ژي عەصرا سەعادەتێيە، ميثالێن حوڕيەتا حەقيقي يێن بجانو قەوين دوێ عەصرێدە گەلەك خوەشك خويا دكن، ئێ كو لوێ عصرێ بنەڕە وێ چێتر فێم بكە.

س:- ﴿مادەم حوڕيەت سەرينەطەواندنا لهەمبەر ئينسانايە وێ دەمێ لهەمبەر ئينسانكي مەزن، لهەمبەر شێخكي، لهەمبەر عالمكي مەزن ئەمێ چوا ببن حوڕ؟ بسەبەب كو مەزيەتێن وان هەنە، وەصفێن واني مەزن ن هەنە حەقێ وان هەيە كو تەحەككومێ لمە بكن، ئەم ژي وەك هاوێ هێسيرێ وان وەصفێن وانن﴾ چمكي ئەم جاهلن، وەصفەكي مە نينە، ئەو ژي ئەهلێ كەمالێنە، كا چوا ئەمێ لهەمبەر وان ببن حوڕ؟

ج:- ﴿وەليتيو شێخيتيو مەزنايي بنەفسشكاندنێيە، بدانينا ئەنانيەتێيە، بمەحويەتێيە؛ نە بقوڕەتي، كيبرو تەحەككومێيە. دێمەك كەسێ خوە قوڕە بكە ئەو "صبيێ موتەشەييخە". ئەو چاخ هون ژي وي مەزن قەبول نەكن﴾

قسطاس ئو عەيار ژبۆ مەزناييێ ئەڤە، كەسێ كو وەلي ئو شێخ بە قوڕەتيێ لسەرێ خەلكێ ناكە، ئێ كو قوڕەتيێ بكە ئەو "صبيێ موتەشەييخە" ياني زاڕۆكە دخوازە خوە بزۆر مەزن بدە نيشاندان، بزۆر حورمەتێ ژخوەڕە بدە نيشاندان. هونژي نە مەجبورن ژئێ وهاڕە حورمەت بكن ئو حورمەت نەكن.

س:- ﴿چما تەكەببور، قوڕەتي علامەتێ بچوكيێيە﴾

ج:- ﴿چمكي ژ هەر ئينسانكيڕە مەرتەبەيەك مەزنانتيو شوهرەتێ هەيە، ئينسان دوێ مەرتەبێدە دەرڤەيێ خوە تەماشە دكە ئو ژدەرڤەڤە خەلك وي دوێ مەرتەبێدە دبينن﴾

هەر ئينسان لگۆري مالباتو تەڤگەڕا خوە دجڤاكێدە ژێڕە مەرتەبەكي چێدبە، موعامەلا وي دگەل ئينسانان ئو موعامەلا ئينسانان دگەل وي لگۆر ڤێ مەرتەبێيە.

﴿دە ئيژار ئەو مەرتەبا ويا كو ئينسان وي تێدە دبينن هەگەر ژ قاما قابليەتا وي بلندتربە، ژبۆ كو دسەويا وێ مەرتەبێدە وەرە خوياكرن بقوڕەتيێ خوە درێژي وێ مەرتەبێ دكە﴾

ياني خەلك دحەقێ مەرتەبا ويدە ظەنكێ دكن بەس ئەو نە لايقە ئو ناگهێژە وێ مەرتەبێ، ئيژا خوە بزۆر مەزن ددە نيشاندان ئو خوە درێژي وێ مەرتەبێ دكە. وەك وي زلامێ قاما وي كنك ئو دخوازە خوە درێژ بدە نيشاندان، دبە وەك كارێ زاڕۆكان.

﴿ئو ئيژا هەگەر قيمەتو حەقێ وي بلندتر بە خوە دطەوينە ئو دادخە ببال مەرتەبا كو دچاڤێ ئينساناندەيە﴾

ياني مەرتەبا كو ئينسان وي تيدە دبينن ئەو بقيمەت و حەقێ خوە ژوێ مەرتەبێ بلندترە، وێ دەمێ خوە دطەوينە ئو دادخە ببال وي كەسێ كو وي لژێرتر دبينە. كەسێ كو مەعنەن مەرتەبا واي بلندە بەس خەلك وي لژێرتر دبينە، تەواضع دكەو نەفسا خوە بچوك دكە ئو خوە دادخە وێ مەرتەبا كو ئينسان وي تێدە دبينن. وەك ئينسانێ درێژ كو خوە دطوينە ئو دگهينە سەويا ئينسانێ كنك

حضرت علي كرم الله وجهه گۆتيە: "كەسێ كو لسەرێ ئينسانان تەكەببورێ بكە زەليل دبە" تەكەببور و قوڕەتي ژ جاهلان جاهلتيێ نادە ئالي، ئو تەواضوع ژي تو زرارێ نادە كەسێن بعاقل، بەس كەسێ بعاقل دەما تەواضوعێ دكە پێ زێدە دبە، قوڕەتي ژي تشكي نادە خوديێ خوە

حاصلێ كەلام؛ حوڕيەت ژ ئيمانێيە، ددەعوا همي پێغەمبەراندە هەيە. بەس تشتێ كو ئەم مسلمان ژ حوڕيەتێ فێم دكن ئو تشتێ كو فێمبەريا جاهلي دبێژە نە يەكن، لگۆر فێمبەريا جاهلي ئەحكامێ شەرعي ئو بلخاصە مەنعو موئەييدەيێن شەرعي مانعێ حوڕيەتێنە. حوڕيەتا كو ئەم مسلمان لهەمبەر دەرتێن ئو خەراب دبينن ئەڤە.

تەمامێ مەخلوقان بقانونو عادەتێن ئيلاهيڤە گرێداينە، بڤێ نێڕينێ ژبۆ مەخلوقان حوڕيەتا موطلەق توينەيە. ئەڤ قانون ژي ژبەر كو بونە طبيعي گرێداينا بوانڤە نە ئەسارەتە، بەلكي حوڕيەتە. كەسێن كو لهەمبەر قانونو عادەتێن ئيلاهي دەرتێن ئو دبێژن ئەمێ خوە ژوان ژي ئازاد بكن وێ دەمێ ژي دكەڤن بن قانونێ نەفساني، ياني قانونێ شەيطاني.   

 

 

Di debarê nivîskar de

Têhev

29

Gotar

M. ‘Ebdussamed ‘Hilmî

  • بگوهێ قەلبێ خوە گۆداري بكن ئو بچاڤێ عەقلێ خوە بنەڕن
  • SERÊ XWE RAKIN BÊJIN TU RAST DIBÊJÎ
  • سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن
  • HEVPEYVÎNA CIVAKA KURDAN BI SEYDAYÊ BEDÎUZZEMAN RE
  • بهەركەسيڕە مەيلا دينێ ئيسلامێ پەيدا بويە
  • NÛRA DILAN JÎ NERMÎYÛ MERHEMET E
  • هەڤپەيڤينا جڤاكا كوردان بسەيدايێ بَدِيعُ الزَّماَنْڕَه
  • Î’layê Kelîmetullah Bi Pêşveçûnê Ve Girêdayı Ye
  • ئيعلايێ كەليمەت الله بپێشڤەچونێڤە گرێداييە
  • ئەم هاي ژخوە نەمان ئو مە ڕيعايەتا تەدبيران نەكر
  • Di Dinya Me Ya Îro De Înqîlabek Dunyewî û ‘Ecêb Heye
  • ددونيا مە يا ئيرۆ دە ئينقيلابەك دونيەوي ئو عەجێب هەيە
  • Wekhevbûnî Ne Di Fedl û Şerefê de...
  • وەكهەڤبوني نە دفەضلو شەرەفێدەيە، دحقوقدەيە
  • Hurriyeta Me Wê Bibe Fecra Sadıq Ji Bo ‘Alema Îslamê
  • حوڕيەتا مە وێ ببە فەجرا صادق ژبۆ عمومێ عالەما ئيسلامێ
  • Hurriyeta Ğeyrîmusliman Şu’bek Ji Hurriyeta Me Ye
  • حوڕيەتا غەيري مسلمان شوعبەك ژ حوڕيەتا مەيە
  • HURRIYET; XUSÛSIYETA ÎMANÊ YE
  • حوڕيەت؛ خصوصيەتا ئيمانێيە
  • Hurriyeta Li Hember Însan...
  • ڕەچەتا كوردان
  • Rafiziyê Huriyetê Kolê Nefsê Ne
  • ڕافزيێ هەرتشتي هەنە ئێ حوڕيەتێ ژي كۆلێ نەفسێنە
  • Yan Xîlafeta Şer’î Yan Jî Îzmîhlala ‘Umûmî
  • يان خيلافەتا شەرعي يان ژي ئيزميحلالا عمومي
  • Em Li Şerî’etê Xwedî Derkevin...
  • ڕەچەتا كوردان
  • Hevpeyvîna civaka Kurda Bi Seydayê Bedî’uzzeman re
  • Ê Berê Hurriyeta Li Hember Însan...
    Ê Li Pey HURRIYET; XUSÛSIYETA ÎMANÊ YE

    Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.