ڕەچەتا كوردان

Article

حوڕيەتا لهەمبەر ئينسان عبوديەتا لهەمبەر ئەلله تەعالايە

ملا عبد الصمد حلمي

بسم الله الرحمن الرحيم

﴿ئەي گەلي كوردو تركان! ئينصاف بكن، يەكي ڕافزي حەديثەكێ غەلەط مەعنە بكە يان ژي غەلەط پێ عمەل بكە، گەلۆ مەرەڤ گەرەك وێ حەديثێ ئينكار بكە يان گەرەك مەرەڤ بێژە؛ وي كەسێ ڕافزي خەطا دكە غەلەطيا دكە، ئو مەرەڤ شەرەفا حەديثێ موحافەظە بكە؟﴾ ڤان كەسێن وها فاسقو خەراب دەما كو حورريەتا شەرعي خەراب بدن نيشاندان قەي گەرەك ئەم ژڕويێ واندە لهەمبەر حورريەتا شەرعي دەركەڤن؟

﴿بەلكي حورريەت ئەڤە: ژغيري قانونا عەدالەتو تەئديبێ گەرەك كەس لكەسي ظولمێ نەكە، گەرەك حقوقێ هەركەسي وەرە موحافەظەكرن﴾ گەرەك تەجاووزي حەقێ تو كەسي نەيێ كرن

﴿گەرەك هەركەس دتڤگەڕا خوەيا شەخصيدە سەربەست بە. ئو گەرەك سڕێ نەهيا ڤێ ئايەتێ دهەركەسيدە خويابكە: لاَ يَتَّخِذَ بَعْضُنَا بَعْضًا اَرْبَابًا مِنْ دُونِ اللَّه.﴾ گەرەك كەس ژكەسيڕە كۆلەتيێ نەكە

س: - ﴿دێمەك ژبەرێڤە ئەم خوديێ حوڕيەتا خوە نە، حوڕيەتا مە وەك هاوێ جێويكا مە بمەڕە وەلديە، ئەوچاخ برا هنكي دن كێفێ بكن ما ژمەرە چيە﴾

ج: - ﴿بەلێ، ژخوە تەحەمملكرناوە يا وان تشتێ كو نايێن تحملكرن ژ ئەڤينا حوڕيەتێيە. ئو ئەو تشتێ كو وە ژ خوەشيێن مەدەنيەتێ موستغني كريە، وەك طەيرێ عەنقاء تەنێبون بوە دايە حەسكرن ژي ئەڤينا حوڕيەتێيە﴾ ئەڤينو ديلداريا حوڕيەتێ هون موستەغني كرنە ژ ژيانا جڤاكي يا مەدەني، وەك وي طەيرێ كو ژێڕە دبێژن عەنقاء كو بتەنا سەرێ خوە دژي، ناڤێ وي هەيە لێ ئەو بخوە دحەقيقەتدە تنەيە

﴿بەس ئەي گەلي كۆچەرا! ئەو حوڕيەتا وە نيڤێ حوڕيەتێيە، نيڤێ دن ژي ئەوە كو هون حوڕيەتا خەلكێ خەرا نەكن﴾ تێكليێ بحوڕيەتا وان نەينن، حەتا هون تەجاوزي حقوقێ غەيري خوە بكن هون تام خوڕ نابن ئازاد نابن

﴿هەم ئەڤ حوڕيەتا وە وەك قوتێ لايەموتە، بقاسي كو هون نەمرن وە لپيا ددە سەكناندن، بڤێ حوڕيەتا خوە هون ژ جڤاكێ دورن، حال ئەوە كو ئەڤ حوڕيەتا وەيا كو وە ژجڤاكێ دور دخە دوان حەيوانێ جيرانێ وە يێ دچيادەژي هەيە﴾ ئەو ژي بتەنا سەرێ خوە گۆيا سەربەست دژين ﴿حەقيقەتەن كو تەسەللي ئو لەززەتك ژ وان حەيوانێ كوڤي يێ ڕەبەنڕە هەبە ئەو ژي حوڕيەتا وانە﴾ ئەو چاغ فەرقا ناڤبێنا حوڕيەتا وە ئو حوڕيەتا حەيوانا چيە؟

﴿بەس ئەو حوڕيەتا كو وەك ڕوژێ دبريقينە ئو هەر ڕوح مەعشوقێ وێيە ئو همكوفێ جەوهەرا ئينسانيەتێيە... بەلێ ئەو حوڕيەت دناڤ دلشاديا قەصرا سەعادەتا مەدنيەتێ دە ڕونشتيە، بخشرێن مەعريفەتو فەظيلەتێ هاتيە خەملاندن﴾ ئەصلێ حوڕيەتێ دناڤا جڤاكێدە بشەكلێ جەمعيەتێ كەمالا خوە دبينە، بمەعريفەتا ئيلاهي ئو بفظيلەتێ بتەربيا قورئانو سوننەتێ تێ خەملاندن، گونەهكاري ئو لائوباليتي زددێ حوڕيەتێنە، سەبەبێ ئيفسادا مەدەنييەتێنە. وەك ژيانا كۆچەرا ژ ژيانا بتەنا سەرێ خوەڕە نايێ گۆتن حوڕيەت، جڤاكێن كو شەريعەت لناڤ وان حاكمە ئانجاخ ئەو ژ  حوڕيەتا حەقيقي طەعم دكن

س: - ﴿وێ حوڕيەتا كو تو مەدحێ وێ دكي هنەكا دحەقێ وێدە وها گۆتنە: حُرِّيَةٌ حُرِّيَةٌ بِالنَّارِ، لِاَنَّها تَخْتَصُّ بِالْكُفَّارِ، تو چ دبێژي ژڤياڕە؟﴾ شێخ سەليمێ هيزاني ئەڤ بەيت ددەرحەقێ حوڕيەتێدە گۆتيە، ياني: حوڕيەة ئينسانان دبە جەهەننەمێ، چمكي حوڕيەة خاصێ بكافرايە

ج: - ﴿شاعرێ كو ڤێ بەيتێ گۆتيە هێڤيا وي ژ پاشەڕۆژێ نەمايە. وي ظەن كريە كو حوڕيەت كاريێ قۆمونيزمێيە ئو حەلالو حەرام دحوڕيەتێدە تنە﴾ دەما كو تێ گۆتن حوڕيەت هنك ئينسانێن مە ڤيا حوڕيەتا لهەمبەر خوەدا ظەن دكن

﴿حاشا! بەلكي حوڕيەتا لهەمبەر ئينسان عبوديەتا لهەمبەر ئەلله تەعالايە﴾ ئينسان چقاس نێزي خوەدابە ئو چقاس ئەمرو نەهيێ وي بجي بينە هەوقاس لهەمبەر ئينسانان حوڕڕە، لەززەتا حوڕيەتێ دژي. ئينسان چقاس ژ خوەدا دوربە ئو حەرامو حەلال ناسنەكە ئەو هەوقاس ژحوڕيەتێ دورە، هێسيرێ ئينسانايە، نە هێسيرێ ئينسانان بتەنيێ ژي هێسيرێ دنيايێ ئو تشتێ ددنيايێدەيە

﴿من گەلەك ئيسان ديتنە، ژ كەسێن كو حوڕيەتێ دخوازن (ئەحار) زێدەتر هجومي سەر سولطان عبدالحميد دكن ئو وها دبێژن: سولطان عبدالحميد، ژبەر كو سي سال بەرێ حوڕيەتێ (مەشروطيەتا يەكەم) ئو قانونا ئەساسي قەبول كريە كەسەكي خەرابە﴾ دە كا ئەڤ ژي گۆتنن ياني؟ ﴿حەيران! تو ئيعتيبار ژگۆتنێن ڤاناڕە نينە، چمكي سولطان عبدالحميد ژبەر كو مەجبور ما (ژبەر شەرطێن وي زەماني) د سولطانتيا خوەدە تەحككوم كر، ئيرۆ ڤان كەسان ڤيا حوڕيەت ظەن دكن، ژقانونا ئەساسي دترسن كو ئەڤ قانون ناڤێ وێ هەيە لێ ئەو بخوە تونەيە (چمكي نەهات تەطبيقكرن). ڤانێ كو ڤان گۆتنا دكن ڕەوشا وان ئەڤە﴾ دحەقيقەتدە ڤانا مەعنا حوڕيەتێ نزانن

 

﴿هەم يەكي كو ئەڤ سەرێ بيست سالايە ژئيسلاميەتێڕە فەداكاريێ دكە ژي وها گۆتيە: حُرِّيَةٌ عَطِيَّةُ الرَّحْمنِ، اِذْ اَنَّها خَاصِيَّةُ الْاِيمانِ﴾ ژ زاڕۆكتيا وي حەتا وێ دەمێ بيست سال دەرباسبو كو ئوستاد بديع الزمان تمو دائيم ژبۆ ئيسلامێ فەداكاريێ دكە ئەڤ بەيت گۆتيە. ياني حوڕيەت خەلاتا خوەدايێ ڕەحمنە، چمكي حوڕيەت خصوصيەتا ئيمانێيە، كەسێ كو ئيمان نانيبە حوڕيەت ژێڕە تونەيە. كەسێ كو خوە تەسليمي خوەدا تەعالا كربە زلەتو بندەستيا ژبۆ عەبدان ئو تەحەككوما عەبدان قەبول ناكە.

﴿﴾

 

 

Di debarê nivîskar de

Têhev

27

Gotar

M. ‘Ebdussamed ‘Hilmî

  • سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن
  • HEVPEYVÎNA CIVAKA KURDAN BI SEYDAYÊ BEDÎUZZEMAN RE
  • بهەركەسيڕە مەيلا دينێ ئيسلامێ پەيدا بويە
  • NÛRA DILAN JÎ NERMÎYÛ MERHEMET E
  • هەڤپەيڤينا جڤاكا كوردان بسەيدايێ بَدِيعُ الزَّماَنْڕَه
  • Î’layê Kelîmetullah Bi Pêşveçûnê Ve Girêdayı Ye
  • ئيعلايێ كەليمەت الله بپێشڤەچونێڤە گرێداييە
  • ئەم هاي ژخوە نەمان ئو مە ڕيعايەتا تەدبيران نەكر
  • Di Dinya Me Ya Îro De Înqîlabek Dunyewî û ‘Ecêb Heye
  • ددونيا مە يا ئيرۆ دە ئينقيلابەك دونيەوي ئو عەجێب هەيە
  • Wekhevbûnî Ne Di Fedl û Şerefê de...
  • وەكهەڤبوني نە دفەضلو شەرەفێدەيە، دحقوقدەيە
  • Hurriyeta Me Wê Bibe Fecra Sadıq Ji Bo ‘Alema Îslamê
  • حوڕيەتا مە وێ ببە فەجرا صادق ژبۆ عمومێ عالەما ئيسلامێ
  • Hurriyeta Ğeyrîmusliman Şu’bek Ji Hurriyeta Me Ye
  • حوڕيەتا غەيري مسلمان شوعبەك ژ حوڕيەتا مەيە
  • HURRIYET; XUSÛSIYETA ÎMANÊ YE
  • حوڕيەت؛ خصوصيەتا ئيمانێيە
  • Hurriyeta Li Hember Însan...
  • ڕەچەتا كوردان
  • Rafiziyê Huriyetê Kolê Nefsê Ne
  • ڕافزيێ هەرتشتي هەنە ئێ حوڕيەتێ ژي كۆلێ نەفسێنە
  • Yan Xîlafeta Şer’î Yan Jî Îzmîhlala ‘Umûmî
  • يان خيلافەتا شەرعي يان ژي ئيزميحلالا عمومي
  • Em Li Şerî’etê Xwedî Derkevin...
  • ڕەچەتا كوردان
  • Hevpeyvîna civaka Kurda Bi Seydayê Bedî’uzzeman re
  • Ê Berê Rafiziyê Huriyetê Kolê Nefsê Ne
    Ê Li Pey Hurriyeta Li Hember Însan...

    Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.