BÎSMÎLLAH

Article

“Bîsmîllâh” serê her xêrê ye û em jî bi wêna dest pê dikin.  Birayên ‘ezîz! Di kovara Kelhaamed de ev nivîsa min a ewil e. Ji ber vêqasê min xwest ku ewil em bêjin Bîsmîllah. Bi navê Xweda em dest bi nivîsa xwe dikin û em alîkarîyê ji Xweda dixwazin. Ê ku ji Xweda alîkarîyê bixwaze, înşaallah wê Xweda alîkarîya wî bike û wî muwaffeq bike.

Jîyana me û mirina me tev di dest Xweda de ye. Ecelê ku ji me re tayînkirîye, ji wî pêve kesek nizane. Ev heyata ku em li dinyayê di bihurînin jî bi Xwedê ye. Di vê kovarê de nivîsên minên bi kurdî, bi xwestina rizaî îlahî wê bêne nivîsandin. Meqsedek, armancek me tenê heye, ew jî ku em çawa dizimanê Tirkî û Erebî de rizaa Xweda dixwazin, emê bi Kurdî jî bi xwazin. Înşaallah di kovara Kelhaamed de jî ewê nivîs ji bo rizaa îlahî bêne nivîsandin.

Ez dixwazim nivîsa xwe bi zimanekî sivik binivîsim ku hûn birayê me ji nivîsa me îstîfade bikin. Lewra gelek caran nivîsa bi Kurdî dixwînin û em dibînin ku ziman gelekî giran e. Ji ber vê xwendevan ji xwendinê zû diweste û nema dixwaze bixwîne. Xisûsen ez di bêm nîvîsên Kurdî, lazime zimanê wan gelekî sivik be. Ji ber çi? Levra em nivîsên pirtûkan daîm bi Tirkî ya jî bi ‘Erebî dixwînin. Zimanê nivîsa giran be, ev çağ xwendevan naxwazin wê nivîsa me bixwînin û berê xwe didin zimanekî dî.

Armanc û meqsed ji nîvîsê ewe ku xwendevan ji nivîsa me îstîfade bikin. Armanc ne ewe ku di nivîsa xwe de hinek sen‘etna ya jî hunernên edebî pêşberî hineka bikin. Jiber kuarmanc ne bitenê hunerên edebîne, belkî armanc rizaa îlahî ye û xwestina ku xwendevan pê rê ya xwe nasbikin. Dipêşîya wan de nivîs bibe ronayî. Piştî ku xwendevanên min, xwe hînî zimanê min û nivîsên min kirin, hingî ewê hînî edebîyata kurdî jî bibin.

Zeman û sebir lazim e ji xwendinê ra. Lewra sebra meriv li ser xwendinê tunebe, ewçax ji binî ve meriv nikare bi pêş bikeve. Her çiqas bi zimanê kurdî ji berê de nîvîs hene jî ji ber ku zimanê kurdî ne zimanê resmîye, li herêma me xwendevanên wê hindikin. Ji ber vêna jî ez ji xwendevanan dixwazim ku li ser xwendinê bi sebirbin. Înşaallah wê ji zimanê kurdî jî gelek tiştan hînbibin.  

Zimanê meyî kurdî gava meriv pê xwend û nîvîsand, lazime nebe sebebê meriv ji zimanê dî ya jî ji birayên xweyên muslumanên dî dûr bikeve. Lewra bi sebeb ‘esabîyetê meriv ji riza îlahî mehrûm dimîne. Emê nivîsa xwe bi nîyeta ku her zimanek ji ayeteke Xweda ye bi nivîsînin û înşaallah ewê xwendevan jî bi wê nîyetê bixwînin. Em û ew bi hevra emê bighên xêr û rizaa îlahî.

 

Kelhaamed înşaallah xizmeta armanceke mezin dike û em hêvî dikin hê bêtir bêxwendin, birayên me yên kurmancê Musluman pê rêya Xweda nasbikin. Li pêşîya wan jî bibe ronayî û nivîsên me yên ku em tê de bi nivîsînin, ji kovarê ra bibin rengekî nû. Ji lew em ji birayên xwe dixwazin ku kovarê bixwînin. Em ji Xweda yê xwe dixwazin, Xweda me û we teva bighîne xêrê. Li vê dinyayê û li axîretê xêr û xweşîyê bide me û we teva. Emanetî Xwedê bin. Heta nivîseke dî bimînin di xêr û xweşîyê de. Esselamû ‘eleykûm we re‘hmetullahî we berekatûhû…

Di debarê nivîskar de

Têhev

12

Gotar

Ê Berê
Ê Li Pey Sûriye û Pevçûn

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.