Ẋezeleke Mewlana Xalidê Şehrezorî

Ẋezeleke Mewlana Xalidê Şehrezorî

Wergera ji Farisî: Cevdet Karaman

 

Ey meḥbûbê ku gulên cennetê xwînê vedixwin ji gulrû

Ferqa bejn û bala te û mû  nîne bi miqdarê yek mû

 

Ev finda şeva tarî ye, yan pertewek ji rûyê nûranî ye

Miskek ji mika tatarî ye, yaxud rayîḥaya gîsû

 

‘Ecêb Bercîs[1] e ku xistine dewsa roja vê cîhanê

Weyaxud rûkê canan e ku dişibhe roja li kêleka ebrû

 

Ji ẋemzeyên te yên xwînrêj di herişe can û hem dil

Gelo mislê çavên te yên mestanok kes dîtîye tu cadû

 

Gelo yaqût bûn le’lên te yan bo me mercanê can[2]

Di daîre a nasût[3] de nebû mislê lebê te yek dilcû

 

Di talankirina dilan de rûkê te rût dike Harût[4]

Nêrînek ji çavên te di ẋezalê de dibin du sed ahû[5]

 

Dibêjin xeberên ji evîna xwe tu bo kesî hîç mebêj

Ma hîç gencîne veşartî dimîne di dezgahê Hindû[6]

 

Ya Xalid! Gerçê te sûxen ji belaẋet xalî nînin

Lakîn di wan de nînin zewqa ẋezelên di Xacû[7]

 

 



[1] Bi Tirkî bo “Bercîs” dibêjin Jupîter

[2] Mebest ji “mercanê can” qût û ‘xida a ruḥanî ye.

[3] Mebest ji “daîre ya nasût” ‘alema însanîyetê ye.

[4] Mebest ji “Harût” serbaz e.

[5] Mebest ji ahû ẋezal e

[6] Mebest ji “Hîndû” zatekî muetsewifê meşhûr e. İḥtîmala qewîn ewe ku ev Mewlana Hîndû ye.

[7] Di viri de mebest Xacûyê Kîrmanîyê


Ê Berê Weqfa Yetîman li Ugandayê fealîyetên xwe yên alîkarîyê didomîne
Ê Li Pey Ji Weşankarê Kovara Kelhaamed

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.